LES K)ÉS1ES

Amour grant aumosne fera, En ce fait-cy d'estre piteux ; Et bon exemple monstrera A toutes celles et à ceulx Qui le servent, quant désireux Le verront, par sa grant humblesse, D'aidier ce poure soufreteux Où purgatoire de Tristesse.

Amour, faictes-moy si eureux Que mettez mon cueur en liesse; Laissiez Dangier et Dueil tous seuh Où purgatoire de Tristesse.

BALLADE XXVL

Mon cueur a envoyé quérir Tous ses bien-vueillans et amis ; D veult son grant conseil tenir Avec eulx, pour avoir advis Comment pourra ses ennemis, Soussy, Dueil et leur aliance.

Surmonter et tout desconfire , Qui désirent de le destruire En la prison de Desplaisance.

Eu désert ont mis son plaisir.

Et joye tenue en paslis ; Mais Confort lui a , sans faillir^ De nouvel loyaument promis Qu'ilz seront desfaiz et bannis ; De ce se fait fort Espérance, Et plus avant que n'ose dire; C'est ce qui estaint son martire En la prison de Desplaisance.

DE CHARLES DORLÉÂ.NS. 76

Briefment voyo le temps venir, J'en prie à Dieu de paradis, Que chascun puist vers son désir Aler, sans avoir saui'zconduis.

Adonc Amour et ses nourris Auront de Dangier moins doubtance ; Et lors sentiray mon cueur rire, Qui aprésent souvent souspire En la prison de Desplaisance.

Pour ce que véoir ne vous puis , Mon cueur se complaint jours et nuis, Belle, nompareille de France, Et m'a chargié de vous escrire Qu'il n'a pas tout ce qu'il désire En la prison de Desplaisauce

BALLADE XXVll.

Desploiez vostre bannière Loyauté, je vous en prie.

Et assailliez la frontière Oii Dueil et Méreucolie, A tort et par félonnie , Tiennent Joye prisonnière ; De moy la font estrangière :

Je pri Dieu qu'il iesmaudie.

Quant je deusse bonne chière Démener en compaignie, Je n'en lais que la manière :

Car quoique ma bouche rie , Ou parie paroUelye, Daneier et Deslrçsse lien

Boutent mon plaisir arrière :

Je prie Dieu qu'il les maudie.

Helas ! tant avoye chière , Ja pieca , joyeuse vie ; Se rayson fust droittiirière J'en eusse quelque partie :

Or est de mon cueur bannie Par Fortune losengière , Et Durté, sa conseillière :

Je prie Dieu qu'il les maudie.

Se j'avoye la maistrie

Sur ceste faulse mesgnie

Je les meisse tous en bière.

Si est telle ma prière :

Je prie Dieu qu'il les maudie.

BALLADE XXVIIL

Ardant désir de voir ma maistresse

A assailly de nouvel le logis

De mon las cueur, qui languist en tristesse ;

Et puis dedens partout a le feu mis :

En grant double certainement je suis

Qu'il ne soit pas légièrement estaint,

Sans grant grâce. Si vous pry, dieu d'Amours;

Sauvez mon cueur ainsy qu'avez fait maint.

Je l'oy crier piteusement : secours î

J'ay essayé par lermes à largesse

De l'estaindre ; mais il ii'en vault que pis

C'est feu grégois [9)^ ce croy-je, qui ne cesse

D'ardre, s'il n'est estaint par Bon-avis.

Au feu! au feu! courez tous mes mis.

DE CHARLES D'ORLÉANS

S'aiicun de vous, comme Lische remaint Sans y aler, je le hé pour tousjours.

Avancez-vous, nul de vous ne soit faint : Je l'oy crier piteusement: secours!

S'il est ainsi mort par vostre péresse,

Je vous requier, au moins tant que je puis,

Chascun de vous donnez luy une messe ;

Et j'ay espoir que brief où Paradis

Des amoureux sera moult liault assis,

Comme martir et très hounoré saint.

Qui a tenu de Loyauté le cours.

Grant tourment a, puisque si fort se plaint

Je l'oy crier piteusemint: secours!