BALLADE XL VIL
Au court jeu des tables (16} jouer Amour me fait moult long^uement ; Car tousjours me charge garder Le point d'atente seulement, En me disant que vrayement Se ce point lye sçay tenir.
Qu'au derrain, je doy sans mentir Gaangnier le jeu entièrement.
Je suis pris et ne puis entrer Oii point que désire souvent.
Dieu me doint une fois gietter Chance qui soit aucunement A mon propos : car autrement, Mon cueur sera pis que martir, Se ne puis, ainsy qu'ay désir, Gaangnier le jeu entièrement.
Fortune fait souvent tourner Les dez contre moy mallement ; Mais Espoir, mon bon conseillier, M'a dit et promis seurement Que Loyauté prouchainnement Fera bon eur vers moy venir, Qui me fera à mon plaisir Gaangnier le jeu entièrement.
Je vous supply très humblement.
Amour, aprenez-moy comment
DE CHARLES D'ORLÉANS. lOi
J'asserray les dez, sans faillir; Par quoy puisse, sans plus languir, Gaangnier le jeu entièrement.
BALLADE XLVIIL
Vous, soiez la très bien venue Vers mon cueur, Joyeuse-nouvelle !
Avez-vous point madame veue ?
Contez-moy quelque chose d'elle.
Dictez-moy, n'est-elle pas telle Qu'estoit quant derrenièrement Pour m'oster de mérencolie, M'escrivy amoureusement :
C'estes vous de qui suis amye.
Son vouloir jamais ne se mue :
Ce croy-je ? mais tient la querelle De Léauté, qu'a retenue Sa plus prochaine damoisseille.
Bien le monstre, sans que le celle :
Qu'elle se maintient loyaumenl Quant luy plaist, dont je la mercyo.
Me mander si très doulcenient :
C'estes vous de qui suis amye ?
Pour le plus eureux soubz la nue Me tiens, quant m'amye s'appelle :
Car en tous lieux où est congneue Cliascun la nomme la plus belle.
Dieu doint que maugré le rebelle Dangier, je la voye briefment Et que de sa bouche me die :
« Amy pensez que seulement C'estes vous de qui suis amye.
J'ay en mon cueur joyeusement Escript, alin que ne l'oublie, Le refrain qu'ayme chièrement :
G'estes vous de qui suis amye.
BALLADE XLIX
Trop long temps vous voy sommeillier, 3Ion cueur, en dueil et desplaisir; Yueilliez vous ce jour esveillier, Alons au boys le may cueillir, Pour la couslume maintenir, Nour oïrons des oyseaulx le glay, Dont ilz font les boys retentir Ce premier jour du mois de may.
Le dieu d'Amours est coustumier (17],
A ce jour de feste tenir
Pour amoureux cueurs festier,
Qui désirent de le ser\"ir.
Pour ce, fait les arbres couvrir
De fleurs et les champs de vert-gay
Pour la feste plus embellir,
Ce premier jour du mois de may.
Bien sçay mon cueur que Faulx-dangier
Vous fait mainte peine souffrir :
Car il vous fait trop eslongnier
Celle qui est vostre désir.
Pour tant vous fault esbat quérir,
Mieulx conseillier je ne vous sçay.
Pour vostre douleur amendrir.
Ce premier jour du mois de may.
^ladame, mou seul souvenir.
DK CHARLES IVORLÊA.NS. lO-
En cent jours n'auroye loisir De vous raconter tout au vray Le mal qui tient mon cueur martir, Ce premier jour du mois de may.
BALLADE L
J'ay mis en escript mes souhais Où plus parfont de mon penser.
Et combien, quant je les ay fais.
Que peu me pevent prouffiter^ Je ne les (18; vouldroye donner Pour nul or qu'on me seust ouffrir, En espérant qu'au par aler De mille l'un puist avenir.
Par la foy de mon corps! jamais Mon cueur ne se puet d'eulx lasser Car si richement sont pourtrais.
Que souvent les vient regarder Et s'i esbat, pour temps passer, En disant, par ardant désir :
Dieu doint que pour me conforter De mille l'un puist avenir.
C'est merveille quant je me tais Que j'oy mon cueur ainsi parler.
Et tient avec Amour ses plais (19) Que lousjours veult acompaignier :
Car il dit que des biens d'amer Cent mille luy veult desparlir ; Plus ne quier, mais que sans tarder De mille l'un puist avenir.
\ ucilliez i) iiinii c iiour ar( order.
Sans par parolles le mener, Amour, que par vostre plaisir Des biens que lui voulez donner De mille l'un puist avenir.
BALLADE LL
Par le commandement d'Amours Et de la plus belle de France, J'enforcis mon cbaslel lousjours Appelle Joyeuse-playsance, Assis sur roche d'Espérance.
Avitaillié l'ay de confort, Contre Dangier et sa puissance.
Je le tendray jusqu'à la mort.
En ce cbastel y a trois tours, Dont l'une se nomme Fiance D'avoir briefment loyal secours:
Et la seconde Souvenance :
La tierce Ferme-desirance.
Ainsi le chastel est si fort Que nul n'y puet faire grevance :
Je le tendray jusqu'à la mort.
Combien que Dangier, par faulx tours,
De le m'oster souvent s'avance ;
Mais il trouvera le rebours.
Se Dieu plaist, de sa malvueillance.
Bon-droit est de mon aliance ;
Loyauté et luy sont d'accort
De m'aidier: pour ce, sans doubtance,
•le le tendray jusqu'à la mort.
Faisons bon guet, sans décevancc.
DE CHARLES D'ORLÉANS. lO^
Et assayllons. par ordonnance.
Mon ciieur, Dangier qui nous fait torl, Se prendre le puis par vaillance :
Je le tendray jusqu'à la mort.
BALLADE LIE
La première fois, ma maistresse.
Qu'en vostre présence vendray.
Si ravi seray de lyesse
Qu'à vous parler je ne pourray.
Toute contenance perdray :
Car quant vostre beauté luira
Sur moy, si fort esbloïra
Mes yeulx, que je ne verray goutte;
Mon cueur aussi se pasmera:
C'est une chose que fort doubte.
Pour ce, nompareille princesse, Quant ainsi devant vous seray, Yueilliez, par vostre grant humblesse Me pardonner se je ne sçay Parler à vous comme devray.
Mais, tost après, s'asseurcra Mon cueur et puis vous comptera Son fait, mais que nul ne l'escoute.
Dangier grant guet sur luy fera :
C'est une chose que fort doubte.
Et se mettra souvent en presse D'ouir tout ce que je diray; Mais je pense que par sagesse Si très bien me gouvcrneray Et telle manière tendray, Que Faulx- dangier trompé sera.
lOr. LES POESIES
>i'e nulle riens n'apercevra. Si mettra-il sa painne toute D'espier tout ce qu'il pourra :
C'est une chose que fort doul^te.
BALLADE LIIL
Me mocquez-vous, Joyeux-espoir?
Par parolles trop me menez.
Pensez-vous de me décevoir ?
Chascun jour vous me promettez Que briefment véoir me ferez Madame, la gente princesse Qui a mon cueur entièrement.
Pour Dieu! tenez vostre promesse:
Car trop ennuyé qui attent.
H a longtemps, pour dire voir, Que tout mon estât congnoissez :
IV'ay-je fait mon loyal devoir D'endurer comme bien sçavez ?
Ouil, ce croy-je, plus qu'assez Temps est que me donnez lyesse :
Desser\'y l'ay loyaument.
Pardonnez-moy se je vous presse :
Car trop ennuyé qui attent.
ye me mettez à noncbaloir:
Honte sera se me failliez,
Veu que me fie main et soir,
En tout ce que faire vouldrez.
Se myeulï faire ne me povez,
Au moins monstrez-moy ma maistresse
Une fois, pour aucunement
DE CHARLES D'ORLÉANS
Allegier le mal qui me blesse : Car trop ennuyé qui attent.
Espoir, tousjours vous m'asseurez Que bien mon fait ordonnerez.
Bel me parlez, je le confesse; Mais tant y mettez longuement Que je languis en grant destresse Car trop ennuyé qui attent.
BALLADE LIV
Le premier jour du mois de may
S'acquitte vers moi grandement :
Car ainsi qu'à présent je n'ay
En mon cueur que dueil et tourment.
Il est aussy pareillement
Troublé, plain de vent et de pluie.
Estre souloit tout autrement
Oii temps qu'ay congneu en ma vie.
Je croy qu'il se meit en essay
De m'acompaignier loyaument:
Content m'en tiens, pour dire vray.
Car mesclians en leur pensement
Recouvrent grant allégement
Quant en leurs maulx ont compaignie.
Essayé l'ay, cerUiincment,
Oîi temps qu'ay congneu en ma vie.
Las! j'ay veu may joyeux et gay. Et si plaisant à toute gent, Que raconter au long ne sçay Le plaisir et esbalement Ou'avoit en son commandemejit :
Car A.mour, en son abbaye, Le tenoit chief de son couvent, Ou temps qu'ay congneu en ma vie.
Le temps va je ne sçay comment;
Dieu l'amende prouchainnement !
Car Plaisance est endormie,
Qui souloit vivre lyement,
Oii temps qu'ay congneu en ma vie.
BALLADE LV
Pour Dieu ! gardez bien souvenir Enclos dedans vostre pensée; Ne le laissiez dehors yssir, Belle très loyauraent a niée!
Faictes que cbascune journée Yous ramentoive bien souvent La manière quoy et comment Ja pieca me feistes promesse.
Quant vous retins premièrement.
Madame, ma seule maistresse!
Vous sçavez que par Franc-desir Et Loyal-amour conseillée, Me déistes que sans despartir De m'amer esties fermée.
Tant comme j'auroye durée.
Je metz en vostre jugement Se ma bouche dit vray ou ment :
Si tiens que parler de princesse Vient du cueur sans décévement, Madame, ma seule maistresse!
Non pourtant, me fault vous ouvrir
1)K (HAliJ.KS DOJîl.KANS. i(i9
La double qu'en moy est entrée :
C'est que j'ay paoïir, sans vous mentir. Que ne m'aiez, très belle née.
3Iis en oubly : car mainte année S«is loingtain de vous longuement.
Et n'oy de vous aucunement Nouvelle, pour avoir lyesse :
Pourquoy vis dolorensement.
Madame, ma seule maistresse.
]Nuî remède ne sray quérir Dont ma doleur soit alégiée.
Fors que souvent vous requérir Que la loy que m'avez donnée Soit par vous loyaument gardée :
Car vous congnoissiez clérement.
Que par vostre commandement Ay despendu de ma jeunesse Pour vous attendre seulement.
Madame, ma seule maistresse.
Plus ne vous convient esclarsir La chose que vous ay comptée:
Vous la congnoissiez sans faillir.
Pour ce, soyez bien advisée Que je ne vous treuve muée :
Car, s'en vous treuve changement.
Je requerray tout haultement Devant l'amoureuse Déesse Que j'aye de vous vengement, ]\Lidame, ma seule maistresse.
Se je puis véoir seurement Que m'amez tousjours loyaumenl.
Content suis de passer destresse En vous ser%'ant joyeusement, Madame, ma seule maistresse!
