SUR LA MORT DE LA DUCHESSE D'ORLÉANS

Las mort! qui t'a fait si hardie De prendre la noble princesse Qui estoit mon confort, ma vie, Mon bien, mon plaisir, ma richesse!

Puisque tu as prins ma maistresse, Prens-moy aussy, son serviteur; .

Car j'ayme mieulx prouchainnement Mourir, que languir en tourment, En paine, soussy et douleur.

Las ! de tous biens estoit garnie Et en droitte fleur de jeunesse :

Je prye à Dieu qu'il te maudie, Faulse-mort, plaine de rudesse!

Se prise l'eusses en (22) vieillesse, Ce ne fust pas si grant rigueur; Mais prise l'as hastivement

Et m'a^ laissié piteusement En paine, soussy et douleur.

Las! je suy seul sans compaignie :

Adieu madame, ma lyesse.

Or est nostre amour despartie !

Non pourtant: je vous fais promesse Que de prières à largesse, Morte, vous servirai de coeur, Sans oublier aucunement.

Et vous regretteray souvent En paine, soussy et douleur

Dieu, sur tout souverain seigneur.

Ordonnez, par grâce et doulceur.

A l'âme d'elle tellement Qu'elle ne soit pas longuement En paine, soussy et douleur.