SONGE EN COMPLAINTE

Après le jour qui est fait pour traveil , Ensuit la nuit pour repos ordonnée.

Pour ce m'avint que chargié de sommeil Je me trouvay moult fort, une vesprée, Pour la paine que j'avoye portée Le jour devant. Si fis mon appareil De me couschier si tost que le souleil Je vy retrait et sa clarté mussée.

Quant couchié fu, de légier m'endormy : Et en dormant, ainsi que je songoye, Advis me fut que devant moy je vy Ung vieil homme que point ne congnoissoyc Et non pourtant, autresfoiz veu l'avoye, Ce me sembla. Si me trouvay marry, Que j'avoye son nom mis en oubly , Et pour honte parler à luy n'osoye.

Ung peu se teut et puis m'arraisonna

Disant : « Amy, n'avez-vous de moi cure » :

Je suis Aage qui lettres apporta

A Enfance , de par dame Nature ,

Quant lui chargeay que plus la nourriture

N'auroit de vous. Alors vous délivra

A Jeunesse, qui gouverné vous a

Moult longuement, sans raison et mesure.

Or est ainsi, que Raison qui sur tous

Doit gouverner, a fait très grant complainte

A Nature de Jeunesse et de vous,

Disant : « Qu'avez tous deux fait faulte mainte ;

Avisez-vous, ce n'est pas chose fainte ,

Car Vieillesse, la mère de courrous,

Qui tout abat et amaine audessoubz

Vous donnera dedens brief une atainte.

Au derrenier ne la povez fuir, Si vous vault mieulx, tantdis qu'avez jeunesse, A vostre honneur de Folie partir, Vous eslongnant de l'amoureuse adresse : Car en discort sont Amour et Vieillesse. Nul ne les puet à leur gré bien servir^ Amour vous doit pour excusé tenir , Puisque la mort a prins vostre maistresse.

Et tout ainsi qu'assez est avenant A jeunes gens en l'amoureuse voye De temps passer; c'est aussy mal séant Quant en amours un vieil homme folloye, Chascun s'en rit, disant : Dieu quelle joye ! Ce foui vieillart veult devenir enfant.

Jeunes et vieulx du doy le vont monstrant^ Mocquerie par tous lieux le convoyé.

A vostre houneur povez Amours laissier En jeune temps, comme par nonchalance; Lors ne pourra nul de vous raconter Que l'ayez fait par faulte de puissance ; Et dira l'en que c'est par desplaisance Que ne voulez en aultre lieu amer, Puisqu'est morte vostre dame sans per, Dont loyaument gardez la souvenance.

Au dieu d'Amours requérez humblement Qu'il lui plaise de reprandre l'ommaige Que luy f cistes, par son commandement ; Vous rebaillant vostre cueur qu'a en gâige , Merciez-le des biens qu'en son servaige Avez receus : lors gracieusement Départirez de son gouvernement A grant houneur, comme loyal et saige r

Puis requérez à tous les amoureux Que chascun d'eulx tout ouvertement dye Se vous avez riens failly envers eulx , Tant que suivy avez leur compaignie , Et que par eulx soit la faulte punie Leur requérant pardon de cueur piteux:

Car de servir estiés désireux Amours et tous ceulx de sa seigneurie.

Ainsi pourrez départir du povoir Du dieu d'Amours, sans avoir charge aucune. C'est mon conseil, faictes vostre vouloir : Mais gardez-vous que ne croiez Fortune Qui de flatter est à chascun commune : Car tousjours dit qu'on doit avoir espoir De mieulx avoir; mais c'est pour décevoir. Je ne congnois plus faulse soubz la lune î

Je sçay trop bien, s'escouter la voulez, Et son conseil plus que le mien eslire, Elle dira que s'Amours délaissiez Vous ne poyez tnieulx vostre cueur destruire : Car vous n'aurez lors à quov vous desduire, Et tout plaisir à nonchaloir mettrez.

Ainsi le temps en grant ennuy perdrez, Qui pis vauldra que l'amoureux martire.

Et puis après, pour vous donner confort, Vous promettra que recevrez amende De tous les maulx qu'avez souffers à tort, El que c'est droit qu'aucun guerdon vous rende Mais il n'est nul, qui à elle s'attende, Qui lost ou tart ne soit, je m'en fais fort, Deceu d'elle; à vous je m'en rapport:

Si pry à Dieu que d'elle vous deffende ! »

En tressaillant, sur ce point m'esveillay, Tremblant, ainsi que sur l'arbre la feuille, Disant : « Hélas! oncqucs mais ne songea y Chose dont tant mon poure cueur se dueiHe : Car s'il est vray que Nature me veuille Abandonner, je ne sçay que feray :

A Vieillesse tenir pié ne pourray, Mais convendra que tout ennuy m'acueille.

Et non pourtant le vieil homme qu'ay veu En mon dormant, lequel Aage s'appelle, Si m'a dit vray, car j'ay bien aperceu Que Vieillesse veult emprendre querelle Encontre moy. Ce m'est dure nouvelle!

E"t jà soit ce qu'à présent suy pourveu De jeunesse sans me trouver recreu :

Ce n'est que sens de me pourvoir contr'ellc.

A celle fin que quant vendra vers moy Je ne soye despourveu, comme nice, C'est pour le myeul savant, je me pourvoy Et troveray Vieillesse plus propice, Quant congnoistra qu'ay laissié tout office Pour la fuir; alors en bonne foy Recommandé m'aura, comme je croy.

Et meins soussy auray en son service.

Si suis content, sans eliangïer désormais. Et pour tousjours entièrement propose De renoncer à tous amoureux fais :

Car il est temps que mon cuer se repose. Mes yeulx cligniés et mon oreille close Tendray, afin que n'i entrent jamais, Par Plaisance, les amoureux atrais; Tant les congnois qu'en eulx fier ne m'ose.

Qui bien se veult garder d'amoureux tours. Quant en repos sent que son cueur sommeille. Garde ses yeulx emprisonnez tousjours.

S'ils eschappent, ilz crient en l'oreille Du cueur, qui dort, tant, qu'il fault qu'il s'esveille. Et ne cessent de lui parler d'amour ; Disant qu'ilz ont souvent hanté ses cours Où ilz ont veu plaisance nompareille.

Je scay par cueur ce meslier bien à plain, Et m'a longtemps esté si agréable Qu'il me sembloit qu'il n'estoit bien mondain Fors en Amours, ne riens si hounorable. Je trouvoye par maint conte notable Comment Amour, par son povoir haultain, A avancié, comme roy souverain.

Ses serviteurs en estât proufitable.

DE CHARLES D'ORLËAJNS.

Mais eu ce temps, ne congnoissoye pas

La grant doleur qu'il convient que soustiengne

Dng poure cueur pris es amoureux las,

Depuis l'ay sceu : bien sçay à quoy m'en tiengne,

J'ay grant cause que tousjours m'en souviengne:

Or en suis hors, mon cueur eu est tout las,

11 ne veult plus d'Amour passer le pas,

Pour bien ou mal que jamais lui adviengne.

Pcur ce, tantost sans plus prandre respit, Esc rire vueil en forme de requeste Tout mon estât, comme devant est dit; Et quant j'auray fait ma cédulle preste, Porter la vueil a la première festc Qu'Amours tendra, luy monstrant par escripl Les maulv qu'ay euz et le peu de proutiit En poursuivant l'amoureuse conqueste.

Ainsi d'Amours, devant tous les amans, Prendray congié en honneste manière :

En estouppant la bouche aux mesdisans.

Qui ont langue pour mesdire légiere.

Et requerray par très humble prière Qu'il me quiète de tou> les convenans Que je lui fis, quant l'un de ses servans Devins pieçà de voulenté entière.

Et reprendray hors de sl^ mains mon cucur

Oue j'engagay par obligation

Pour plus seurté d'estre son serviteur,

Sans faintise ou excitation; Et puis après recommandation Je delairray a mon très grant honneur A jeunes gens, qui sont en leur verdeur. Tous fais d'amours par résignaeion.