BALLADE LXXXV

Balades, chaneons et complaintes Sont pour moy mises en oubly ; Car ennuy et pensées maintes M'ont tenu longtemps endormy.

Non pourtant, pour passer soussy Essaier vue il se je sçauroye Rimer, ainsi que je souloye :

Au moins j'en feray mon povoir, Combien que je congnois et sçay Que mon langage trouveray Tout enroillié de nonchaloir.

Plaisans parolles sont estaintes En moy, qui deviens rassoty :

Au fort, je vendray aux attaintes, Quant beau parler m'aura failly.

Pourquoy pry ceulx qui m'ont oy Langagier, quant pieça j'estoye Jeune, nouvel et plain de joye, Que veuillent excusé m avoir.

Oncques mais je ne me trouva y Si rude ; car je suis pour vray Tout enroillié de nonchaloir.

Amoureux ont parolles paintes Et langage frais et joly; Plaisance dont ilz sont accointes Parle pour eulx en ce party.

J'ay esté, or n'est plus ainsy :

Alors de beau parler trouvoyc

A bon marchié tant que vouloye.

Si ay despendu mon scavoir Et s'un peu espargnié en ay, Il est, quant vendra à l'essay, Tout enroillié de nonchaloir.

Mon jubilé faire devroye; Mais on diroit que me rendroye Sans coup férir, car Bon-espoir M'a dit que renouvelleray.

Pour ce mon cueur fourbir feray Tout enroillié de nonchaloir.

BALLADE LXXXVL

L'emplastre de nonchaloir .Que sus mon cueur piéca mis, M'a guéry, pour dire voir, Si nettement, que je suis En bon point, ne je ne puis Plus avoir jour de ma vie L'amoureuse maladie.

Si font mes yeulx leur povoir D'espier, par le palis, S'ilz pourroient plus veoir Plaisant -beauté, qui jadis Fut l'un de mes ennemis, Et mist en ma compaignie L'amoureuse maladie.

Mes yeulx tense main et soir, Mais ilz sont à très hastis Et trop plains de leur vouloir.

Vu fort je les metz au pis,

Facent selon leur advis :

Plus ne crains, dont Dieu niercie

L'amoureuse maladie.

Quant je voy en doleur pris Les amoureux, je m'en ris ; Car je tiens pour grant folie L'amoureuse maladie.