CHANSON LVI

Entre les amoureux fourrez, Non pas entre les décoppez Suis; car le temps sans refroid y Et le cueur de moy est aussy :

Tel me véez, tel me prenez.

Jeunes gens qui Amours servez, Pour Dieu! de moy ne vous mocquez Il est ainsi que je vous dy :

Entre les amoureux fourrez , Non pas entre les décoppez Suis : car le temps sans refroidy.

Car quant Amours servi aurez Autant que j'ay, vous devendrez Pareillement en mon party :

Et quant vous trouverez ainsy Comme je suy, lors vous serez Entre les amoureux fourrez.