COMPLAINTE DE FRANCE IV
France, jadis on te souloit nommer
En tous pais, Je trésor de noblesse;
Car un chacun pouvoit en toy trouver
Bonté, houneur, loyauté, gentillesse,
Clergie, sens, courtoisie, proesse :
Tous estrangiers amoient te suir,
Et maintenant voy, dont j'ay desplaisance.
Qu'il te convient maint grief mal soustenii .
Très crestien, franc Royaume de France.
Sces-tu dont vient ton mal, a vrai parler ? Congnois-tu point pourquoy es en tristesse Conter le vueil pour vers toi m'acquiter, Escoute-moy et tu feras sagesse :
Ton grant orgueil, glotonie, peresse, Convoitise, sans justice tenir, Et luxure, dont as eu abondance, Ont pourchacié vers Dieu de te punir Très crestien, franc Royaume de France.
Ne te vueilles pourtant désespérer :
Car Dieu est plain de mercy à largesse. Va t'en vers lui sa grâce demander, Car il t'a fait déjà pieçà promesse:
Mais (jue faces ton advocat Humblesse, Que très joieux sera de toy guérir Entièrement : metz en lui ta nance.
Pour toy et tous voulu en crois mourir. Très crestien, franc Royaume de France,
Souviengne-toy comment voult ordonner
Que tu criasses : Mon joye! par liesse f
Et qu'en escu d azur deusses porter
Trois fleurs de lis d'or; et pour ardiesse
Fermer en toy (42) t'envoya sa haultesse
L'auriflamme, qui t'a fait seigneurir
Tes ennemis. Ne metz en oubliance
Telz dons haultains, dont lui pleut l'enrichir,
Très crestien, franc Royaume de France.
En oultre plus, te voulu envoyer,
Par un g coulomb, qui est plain de simplessc,
La unecion dont dois tes rois sacrer ;
Afin qu'en eulx dignité plus en cresse,
El plus qu'à nul t'a voulu sa richesse
De reliques et corps saints départir.
Tout le monde en a la congnoissanee :
Soyes certain qu'il ne se veult faillir,
Très crestien, franc Royaume de France.
Court de Romme, si te fait appeiler Son bras destre, car souvent de destresse L'a mise hors. Et pour ce approuver.
Les papes font te seoir seul sans presse A leur désire ; se droit jamais ne cesse. Et pour ce, dois fort plourer et gémir Quant tu desplais à Dieu,, qui tant t'avance En tous Estats, lequel deusse chérir.
Très crestien, franc Roxaume de France.
Quelz champions soûl oit en toy trouver
Crestienté : ja ne fault que l'expresse :
Charleniaine^ Roland et Olivier
En sont tesmoings, pour ce je m'en délaisse,
Et Saint-Loys roy, qui fist la rudesse
Des Sarrasins souvent anéantir
En son vivant, par travail et vaillance
Les croniques le monstrent, sans mentir,
Très crestien, franc Royaume de France,
Pour ce, France, vueilles toy adviser Et tost reprens de bien vivre l'adresse ; Tous tes mesfais metz paine d'amender.
Faisant chanter et dire mainte messe Pour les âmes de ceulx qui ont l'aspresse De dure mort souffert pour te servir.
Leurs loyautéz a y es en souvenance :
Riens espargnié n'ont pour toy garantir Très-crestien, franc Royaume de France.
Dieu a les bras ouvers pour t'acoler, Prest d'oublier ta vie pécheresse :
Requier pardon, bien te vendra aidier Nostre-Dame, la très-puissant princesse, Qui est ton cry et que tiens pour maistresse. Les saints aussy te vendront secourir, Desquelz les corps ont en toy demourauce ; Ne vueilles plus en ton péchié dormir, Très-crestien, franc Royaume de France.
Et je Charles duc d'Orléans, rimer Voulu ces vers, où temps de ma jeunesse, Devant chascun les vueil bien ad vouer; Car prisonnier les fis, je le confesse, Priant à Dieu qu'avant qu'aye vieillesse Le temps de paix partout puit advenir.
Comme de cueur j'en ay la desirance, Et que voyc tous ces maulx brief finir Très-crestien, franc Royaume de France.
