BALLADE CX1I

Cueur trop es plain de folie:

Cuides-tu de t'eslongnier Hors de nostre compaignie Et en repos te logier?

Ton propos ferons changier :

Soing et Ennuy nous nommons :

Avec q ues toy de mourrons :

Car c'est le commandement De Fortune, qui en serre T'a tenu moult longuement Où royaume d'Angleterre.

Dy-nous : ne congnois-tu mie Que Testât de prisonnier Est que souvent luy ennuie, Et endure maint dangier Dont il ne se peut vengier.

Pour ce, nous ne te faisons ]Nul tort; se te gouvernons Ainsi que communément Sont prisonniers pris en guerre, Dont es l'un présentement Où royaume d'Angleterre.

En lieu de plaisance lie, Au lever et au coucliier Trouveras Mérencolie :

Souvent te feras veillier, La nuit et le jour songier.

Ainsi te guerdonnerons Et es fers te garderons, De Soussy et pensement Se tu peux si te desferre, Par nous n'auras aultrement Où royaume d'Angleterre.