CHANSON IL

Tiengne soy d'amer qui pourra.

Plus ne m'en pourroye tenir;

Amoureux me fault devenir.

Je ne sçay qu'il m'en avendra.

Combien que j'ay oy pieea

Qu'en amours fault mains inaulx souffrir

Tiengne soy d'amer qui pourra,

Plus ne m'en pourroye tenir.

Mon cueur devant'ier accointa Beauté, qui tant le scet chiérir, Que d'elle ne veult despartir :

C'est fait, il est syen et sera :

Tiengne soy d'amer qui pourra.

CHANSON ÏII.

Quelque chose que je die D'Amour, ne de son povoir, Toutesfois, pour dire voir, J'ay une dame choisie,

La mieulx en bien accomplie Que l'en puist jamais véoir.

Quelque chose que je die D'Amour, ne de son povoir.

Mais à elle ne puis mie Parler, selon mon vouloir, Combien que sans décevoir Je suis syen toute ma vie, Quelque chose que je die.