BALLADE CXX1V
Jam nova progenies celo demittitur alto.
O louée concepcion, Envoyée ça-jus des cieulx,
Du noble lis digne Syon, Don de Jehsus très précieulx, Marie, nom très gracieulx, Font de pitié, source de grâce La joye, confort de nies yeulx, Qui nostre paix batist et brasse.
La paix, c'est assavoir des riches, Des poures le substantement; Le rebours des félons et chiches.
Très nécessaire enfantement Conceu, portée honnestement Hors le péchié originel Que dire je puis sainctement.
Souverain bien Dieu éternel.
Nom recouvré joye de peuple, Confort des bons, de maulx retraitte, Du doulx seigneur première et seule Fille, de son cler sang extraicte ; Du dextre costé Clovis traicte, Glorieuse ymage en tous fais, Ou hault ciel créé et pourtraicte Pour esjouyr et donner paix.
En l'amour et crainte de Dieu, Es nobles flans César conceue, Des petiz et grans en tout lieu A très grande joye receue ; De l'amour Dieu traicté tissue Pour les discordez ralier, Et aux enclos donner yssue , Leurs lians et fers délier.
Aucunes gens, qui bien peu sentent, Nourriz en simplesse et eonnz,
Contre le vouloir Dieu attentent, Par ignorance desconhz, Desirans que l'eussiez ung hlz.
Mais qu'ainsi soit, ainsi m'aist Dieux!
Je croy que ce soit grans proufiz, Raison Dieu fait tout pour le mieuh.
Du psalmiste je prens les dictz :
Delectasti me Domine !
In factura sua, je ditz :
Noble enfant, de bonne heure né, A toute doulceur destiné, Manna du ciel, céleste don, De tous biensfais le guerdonné Et de noz maulx le vray pardon.
Combien que j'ay leu en ung dit :
Inimicum putes, y a, Qui te presentem laudabit, Toutesfoiz nonobstant cela Oncques vray homme ne cela En son courage aucun grant bien Qui ne le monstrast çà et là, On doit dire du bien le bien.
Saint Jehan-Baptiste ainsi le hst Quant l'aignel de Dieu descela ; En ce faisant pas ne mesnst,, Dont sa voix es tourbes vola ; De quoy saint André Dieu loua, Qui de lui si ne sçavoit rien, Et au nlz de Dieu s'aloua, On doit dire du bien le bien.
Envoyée de Jehsu-Crist Rappeller, ça-jus, par de çà
Les poures que rigueur prescript Et que fortune betourna ; Cy sçay bien comment y m'en va , De Dieu, de vous, vie je tien ; Benoist celle qui vous porta :
On doit dire du bien le bien.
Cy devant Dieu fais congnoissance
Que créature feusse morte,
Ne feust vostre doulce naissance
En charité puissant et forte,
Qui ressuscite et reconforte
Ce que mort avoit prins pour sien.
Yostre présence me conforte :
On doit dire du bien le bien.
Cy vous rens toute obéissance; Ad ce faire raison m'exorte De toute ma poure puissance.
Plus n'est deul qui me desconforte N'autre ennuy de quelconque sorte.
Vostre je suis et non plus mien, Ad ce droit et devoir m'enhorte :
On doit dire du bien le bien.
O grâce et pitié très immense, L'entrée de paix et la porte, Some et bénigne clémence Qui noz faultes toult et supporte :
Si de vous louez me déporte Ingrat suis et je le maintien, Dont en ce refrain me transporte :
On doit dire du bien le bien.
Princesse, ce loz je vous porte Que sans vous je ne feusse rien;
A vous et à vous m'en reporte :
On doit dire du bien le bien.
