CHANSON LXIX

Assez pourveu pour decy à grant pièce, Et plus qu'assez de penser et anuy.

Je me treuve sans congnoistre nulluy Qui se vente d'en avoir telle pièce.

Fortune dit que tout mon fait despiéce Que j'endure comme maint aujourd'uy :

Assez pourveu pour decy a grant pièce Et plus qu'assez de penser et anuy.

Pourquoy souvent je metz soubz mon pièce Prenant confort d'Espoir, comme celluy Qui me fye parfaittement en luy, Ainsi remains qui le croiroit empièce : Assez pourveu pour decy à grant pièce.