CHANSON LXXIV

Et bien, de par Dieu! Espérance, Esse doncques vostre plaisir ?

Me voulez-vous ainsi tenir Hors et eus tousjours en balance.

Ung jour j'ay vostre bienveillance, L'autre ne la sçay où quérir.

Et bien, de par Dieu! Espérance, Esse doncques vostre plaisir ?

Au fort puis que suis en la dance 3on gré maugré m'y fault fournir, Et n'y sçay de quel pié saillir :

Je reculle, puis je m'avance :

Et bien, de par Dieu! Espérance?