CHANSON LXXXI

Tousjours dictes : attendez, attendez î Pas ne payer voz reconfors contens,

Joyeulx-espoir dont mains sont mal contens, Qui ne scevent comment vous l'entendez.

De Fortune, pour Dieu! l'arc destendez, Ne souffrez plus qu'elle face contens.

Tousjours dictes : attendez, attendez!

Pas ne payer vos reconfors contens.

Vostre grâce tost sur moy estandez, Vous congnoissez assez à quoy contens; Plus ne perdray ung tel trésor com temps Ainsi que fait qui son eur met en dez : Tousjours dittes : attendez, attendez !