CHANSON XC

Anuy, Soussy, Soing et Mérencolie,

Se vous prenez desplaisir à ma vie Et desirez tost avancer ma mort, Tourmentez-moy de plus fort en plus fort Pour en passer tout à cop vostre envyc

Ay-je bien dit? nennil, je le renye :

Et, par conseil de Bon-espoir, vous prie? Que m'espergnez, ou vous me ferez ton : Anuy, Soussy, Soing et Mérencolie, Se vous prenez desplaisir à ma vie Et desirez tost avancer ma mort.

Et qu'esse cy? je suis en resverie :

Il semble bien que ne sçay que je dye. Je dy puis l'un, puis l'autre sans accort; Suis-je enchanté ? veille mon cueur ou dort ? Vuidez, vuidez de moy belle Folie, Anuy, Soussy, Soing et Mérencolie.