CHANSON VIL

Par Dieu ! mon plaisant bien joyeux, Mon cueur est si plain de léesse, Quant je voy la doulce jeunesse De vostre gent corps gracieux.

Pour le regard de voz beaulx yeulx, Qui me met tout hors de tristesse :

Par Dieu! mon plaisant bien joyeux, Mon cueur est si plain de léesse.

Combien que parler envieux Souventesfois moult fort me blesse; Mais ne vous chaille, ma maistresse, Je n'en feray pourtant que mieulx: Par Dieu! mon plaisant bien joyeux.