CHANSON CX VII

Vous estes paie pour ce jour, Puis qu'avez eu ung doulx regart.

Devant ung ancien regnart Tost est apperceu ung tel tour.

Quant on a esté à séjour, Ce sont les gaiges de musart; Vous estes paie pour ce jour, Puis qu'avez eu ung doulx regart.

Il sousfist pour vostre labour ; Et s'après on vous sert de l'art, Prenez en gré, maistre coquart, Ce n'est qu'un restraintif d'amour Vous estes paie pour ce jour.