RONDEL (XX S IL
Fortune, passez ma requeste,
Quant assez m'aurez tort porté,
Ung peu je soye déporté
Que Désespoir ne me conqueste,
Veu que je me suis en la queste D'Amours loyaument déporté; Fortune, passez ma requeste Quant assez m'aurez tort porté.
Mon droit sans que plus y acqueste Aux jeunes gens j'ay transporté, Se riens est de moy rapporté, Je vous prie qu'on en face enqueste :
Fortune, passez ma requeste.
De quoy vous sert cela, Fortune?
Voz propos sont puis longs, puis cours; Une foiz estes en décours, L'autre plaine comme la lune.
On ne vous trouve jamais une, Nouvelletez sont en v^)z cours ; De quoy vous sert cela, Fortune?
Yoz propos sont puis longs, puis cours.
C'est vostre manière commune :
Car quant je vous requiers secours, Vous fuyez, après vous je cours ; Et pitié n'a en vous aucune.
De quoy vous sert cela, Fortune?
Serviteur plus de vous, Mérencolie, Je ne seray, car trop fort y traveille; Raison le veult et ainsi le conseille, Que le face pour l'aise de ma vie.
A Nonchaloir vueil tenir compaignie, Par qui j'auray repos, sans que m'esveille ; Serviteur plus de vous, Mcrencolie, Je ne seray, car trop fort y travaille.
Se de vous puis faire la départie
Est il seurment quelque estrange merveille
Légièrement passera par l'oreille ;
Au contraire jamais nul ne me die :
Serviteur plus de vous, Mérencolie.
RONDEL CCXVL
Pourquoy moy, plus que les autres ne font, Doy-je porter de Fortune l'effort?
Par tout je vois criant : confort! confort! C'est pour néant, jamais ne me respont.
Me convient-il tousjours ou plus parfont De dueil nager, sans venir à bon port ; Pourquoy moy, plus que les autres ne font, Doy-je porter de Fortune l'effort?
J'appelle aussi et en bas et à mont, Loyal-espoir; mais je pense qu'il dort, Ou je cuide qu'il contrefait le mort ; Confort n'Espoir, je ne sçay où ilz sont; Pourquoy moy plus que les autres ne font.
Pourquoy moy mains que nully Que je congnoisse aujourd'uy, Auray-je part en liesse; Yeu qu'ay despendu jeunesse, Longuement, en grant ennuy.
Doy-je donc estre cellui
Qui ne trouvera en lui
Bon eur qu'a peu de largesse :
Pourquoy moy mains que nully ?
J'ay loyal désir suy A mon povoir, et fuy Tout ce qu'a tort le blesse; Désormais en ma vieillesse
Demourray-je sans apuy :
Pourquoy moy mains que nully.'
RONDE L CCXYI1L
C'est pour rompre sa teste De Fortune ta user, Qui à riens ne s'arreste.
Trop seroit fait en beste :
C'est pour rompre sa teste.
Quant elle tient sa feste (102) Les aucuns fait danser Les autres tempester, C'est pour rompre sa teste.
Du tout retrait en hermitaige
De Xonchaloir, laissant Folie,
Désormais veult user sa vie
Mon cuetir, que j'ay veu trop volage.
Et savez-vous qui son courage A changié ? s'a fait maladie, Du tout retrait en hermitaige De Xoiichaloir, laissant Folie.
Fera-il que fol ou que saige?
Qu'en dictes- vous, je vous en prie ?
Il fera bien quoy que nul die, Moult y trouvera davantage Du tout retrait en hermitaige.
ROXDEL CCXX.
Sans faire mise ne recepte Du monde dont compte ne tien, Mon cueur, en propos je maintien Que mal, en bien, en gré accepte.
Se fortune est mauvaise ou bonne A cbascun la fault endurer, Quant Raison y mectra la bonne Elle ne pourra plus durer.
Rien n'y vault engin ne décepte ; Au derrain on congnoistra bien Qui fera le mal ou le bien ; Grans ne petiz je n'en excepte, Sans faire mise ne recepte.
ROXDEL CCXXI.
Est ce tout ce que m'apportez A vostre jour Saint- Valentin ; Yauray-je que d'Espoir butin L'attente des desconfortez?
Petitement vous m'enhortez D'estre joyeulx, à ce matin; Est-ce tout ce que m'apportez A vostre jour Saint- Valen tin ?
Xulle rien ne me rapportez Fors bona dies en latin, Vieille relique en vieil satin ; De telz présens vous déportez :
Est-ce tout ce que m'apportez?
RONDEL CCXXII.
Quant pleur ne pleut, souspir ne vante
Et que cessée est la tourmente.
De Dueil, par le doulx temps d'Espoir,
La nef de désireux vouloir
Apport eureux fait sa descente.
Sa marchandise met en vante
Et à bon marché la présente
A ceulx qui ont fait leur devoir
Quant pleur ne pleut, souspir ne vante.
Lors les marchans de longue attente .
Pour gaignier et corps et rente,
En ont ce qu'en pévent avoir,
D'en achetter font leur povoir
Tant que chascun cueur se contente ;
Quant pleur ne pleut, souspir ne vante.
RONDEL CCXXIIÏ (ira).
Quant pleur ne pleut, souspir ne vente, Le bruit sourt de jeux et risée Et joye vient appareillée De recevoir d'Espoir sa rente
Assignée sur longue attente
Mais après loyaument paiée;
Quant pleur ne pleut, souspir ne vente.
Le bruit sourt de jeux et risée.
-la reconfort est mis en vente, Et Plaisance fait sa livrée De biens si richement a or née,
DE CHARLES D'ORLÉAXS. 307
Que dueil fuit et s'en mal contente, Quant pleur ne pleut, souspir ne vente.
RONDEL CCXXIV.
Quant je congnois que vous estes tant mien Et que m'aymez du cueur si loyaument, Je feroye vers vous trop faulcement Se sans faindre ne vous amoye bien.
Essayez-moy se vous fauldray en rien, Gardant tousjours mon honneur seulement : Quant je congnois que vous estes tant mien, Et que m'aymez du cueur si loyaument.
Se me dictes; las! je ne sçay combien Vostre vouloir durera longuement.
Je vous répons : sans aucun changement Qu'en ce propos me tendray et me tien, Quant je congnois que vous estes tant mien. *
RONDEL CCXXV.
