CHANSON CXXX1J

Patron vous fais de ma galée Toute chargée de pensée, Confort, en qui j'ay ma fiance; Droit ou pais de Desirance Briefment puissiez faire arrivée-.

Afiin que par vous soit gardée De la tenrpeste, fortunée, Qui vient du vent de Desplaisance, Patron vous fais de ma galée.

Au port de Bonne-destinée Descharger tost, sans demourée, La marchandise d'Espérance, Et m'aportez quelque finance Pour paier ma joye empruntée :

Patron vous fais de ma .galée.

RONDEL CCXCVH

Après l'estrade route (117) Mectons à saquement Annuyeulx pensement, Et sa brigade toute.

Il crye voile route (H 8); Râlions nostre gent ; Après Festrade route Mectons à saquement;

Se Loyaulté s'i boute.

Par advis saigement Dye gaillardement D'aly brusque sans double Après l'estrade route.

RONDEL CCXCVRL

Les fourriers d'esté sont venuz Pour appareiller son logis

Et ont fait tendre ses tappis De fleurs et verdure tissuz.

En estandant tappis veiuz De vert herbe par le pais, Les fourriers d'esté sont venuz Pour appareiller son logis.

Cueurs d'ennuy piéçà morfonduz, Dieu mercy, sont sains et jolis; Alez-vous en, prenez pais, Yver, vous ne démolirez plus, Les fourriers d'esté sont venuz.

Ce mois de may ne joyeulx ne dolent Estre ne puis, au fort vaille que vaille; C'est le meilleur que de riens ne me chai lie, Soit bien ou mal tenir, m'en fault contcni.

Je laisse tout courir aval le vent, Sans regarder lequel bout devant aille; Ce mois de may ne joyeulx ne dolent Estre ne puis, au fort vaille que vaille.

Qui soussy suit au derrain s'en repent, C'est ung mestier qui ne vault une maille, Avanlureux comme le jeu de faille; Que vous semble de mon gouvernement ?

Ce mois de may ne joyeulx ne dolent.

RONDEL CGC.

Mais que mon propos ne m'empire

Il ne me chault des faiz d'Amours .

Voisent à droit ou à rebours :

Certes je ne m'en fais que rire.

Et ne peut de riens m'escondire, Aide ne requiers, ne secours; Mais que mon propos ne m'empire, Il ne me chault des faiz d'Amours.

Quant j'oy ung amant qui souspire, A î ha ! dis-je, vêla des tours Dont usay en mes jeunes jours; Plus n'en vueil, bien me doit souffre Mais que mon propos ne m'empire.