RONDEL PAR CADIER

Vous l'ung des plus nobles du monde, Prince très redoubté seigneur, A Blois m'avez acreu d'onneur Dont joye en moy trop surhabonde.

Par vostre humilité parfonde, Dieu vous en soit retributeur, Vous l'ung des plus nobles du monde, Prince très redoubté seigneur!

J'ay peu science, moins faconde, Et encor prudence mineur, Et vous me clamez serviteur Digne pour estre en Table-Ronde, Vous l'ung des plus nobles du monde !

Cadier, qui endormi estoit, Avez tout esveillé en joye :

11 prie Dieu qu'il vous octroie Autant de bien qu'il vous vouldroit.