CHANSON XXVIII

Je ne prise point telz baisiers Qui sont donnez par contenance, Ou par manière d'acointance; Trop de gens en sont personniers.

On en peut avoir par milliers, A bon marchié, grant abondance :

Je ne prise point telz baisiers Qui sont donnez par contenance.

Mais savez-vous lesquelz sont chiers Les privez, venans par plaisance; Tous autres ne sont, sans doubtancc, Que pour festier estrangiers :

.le ne prise point telz baisiers.