CHANSON XXXIII

Va tost mon amoureux désir, Sur quanque me veulx obéir, Tout droit vers le manoir de Joye ; Et pour plus abregier ta voye, Prens ta guide Doulx-souvenir.

Metz peine de me bien servir Et de ton messaige acomplir ; Tu congnois ce que je vouldroye :

Va tost mon amoureux désir, Sur quanque me veulx obéir, Tout droit vers le manoir de Joye.

Recommande moy à Plaisir; Et se brief ne peux revenir, Fay que de toy nouvelles oye, Et par Bon-espoir les m'envoye :

Ne vueilles au besoing faillir, Va tost mon amoureux désir.