CHANSON XXXV

Trop estes vers moy endebtée, Vous me devez plusieurs baisiers :

Je vouldroye moult voulentiers Que la debte feust acquittée.

Quoyque vous soyez excusée Que n'osez pour les Faulx-dangiers : Trop estes vers moy endebtée, Vous me devez plusieurs baisiers.

J'en ay bonne lettre scellée, Paiez les sans tenir si chiers :

Autrement, par les officiers D'Amours vous serez arrestée :

Trop estes vers moy endebtée.