CHANSON XXXV] L

Au besoing congnoist-on l'amv Qui loyaument aidier désire.

Pour vous, je puis bien ceci dire, Car vous ne m'avez pas hnilly.

Mais avez la vostre mercy Tant fait, qu'il me doit bien souffire. Au besoing congnoist-on l'amy Qui loyaument aider désire.

Bien brief, pense partir de ey, Pour m'en aler vers vous de tire; Loisir n'ay pas de vous escrire, Et pour ce plus avant ne dy :

Au besoing congnoist-on l'amj*

CHANSON XXXVÏIÏ.

Mon seul amy, mon bien, ma joye, Celluy que sur tous amer veulx, Je vous pry que soiez joieux En espérant que brief vous voye.

Car je ne fais que quérir voye De venir vers vous, si m'aist dieux !

Mon seul amy, mon bien, ma joye, Celluy que sur tous amer veulx.

Et se par souhaitier povoye

Estre emprès vous, un jour ou deux,

Pour quant qu'il a dessoubz les cieuk

Autre rien ne soubaiteroye,

Mon seul amy, mon bien, ma joye.

CHANSON XXXÏX.

Fuyes le trait de Doulx-regard, Cueur qui ne vous savez deffendre; Veù qu'estes désarmé et tendre :

Nul ne vous doit tenir couard.

Vous serez pris, ou tost ou tard, S'Amour le veult bien entreprandre.

Fuyes le trait de Doulx-regard, Cueur qui ne vous savez deffendre.

Retraiez-vous soubz l'estendart De Noncbaloir, sans plus atlendre Sa plaisance; vous laissiez rendre, Vous estes mort : Dieu vous en gard î Fuyes le trait de Doulx-regard.