CHANSON XLVI

Dieu vous conduie, Doulx-penser, Et vous doint l'aire bon voyage :

Rapportez tost joyeux messaige Vers le cueur pour le conforter !

Ne vueilliez guères demourer; Exploiltez comme bon et saige:

Dieu vous conduye, Doulx-penser, Et vous doint faire bon voyage î

Riens ne vous convient ordonner :

Les secrez savez du eouraige, Besougnez à son avantaige, Et pensez de brief retourner :

Dieu vous conduie, Doulx-penser î

CHANSON XLVIL

Les fourriers d'Amours mont logé En un lieu bien à ma plaisance; Dont les mercy de ma puissance Et m'en tiens à eulx obligé.

Afin que tost soit abrégé Le mal qui me porte grévance.

Les fourriers d'Amours m'ont loge En un lieu bien à ma plaisance.

Desja je me sens alégé,

Car acointié m'a Espérance ;

Et croy qu'amoureux n'a en France

Qui soit niieulx de moy hébergé :

Les fourriers d'Amours m'ont logé.