BALLADE XXVIII

Ardant désir de voir ma maistresse

A assailly de nouvel le logis

De' mon las cueur. qui languist en tristesse :

Et puis dedens partout a le feu mis :

En grant doubte certainement je suis

Qu'il ne soit pas légièrement estaint.

Sans grant grâce. Si vous pry. dieu d'Amours

Sauvez mon cueur ainsy qu'avez fait maint.

Je l'oy crier piteusement : secours!

J'ay essaye par lermes a largesse

De bestaindre : mais il n'en vault que pis

C'est feu grégois 9 , ce croy-je . qui ne cesse

D'ardre, s'il n'est estaint par Bon-avis.

Au feu ï au feu! courez tous mes mis.

S'aucun de vous, comme lasche remaint Sans y aler, je. le hé pour tousjours.

Avancez-vous, nul de vous ne soit faint : Je l'oy crier piteusement: secours!

S'il est ainsi mort par vostre péresse,

Je vous requier, au moins tant que je puis,

Chascun de vous donnez luy une messe;

Et j'ay espoir que briet' où Paradis

Des amoureux sera moult hault assis,

Comme martir et très hounoré saint,

Qui a tenu de Loyauté le cours.

Grant tourment a, puisque si fort se plaint :

Je l'oy crier piteusemint: secours!