BALLADE XXX

Je ne crains Dangier ne les sien-.

garni la forteresse Où mon eueur a retirait ses biens, De Réconfort et de Lyesse :

Et ay fait Loyauté maistresse Qui la place bien gardera.

Dangier desfy et sa rudesse :

Car le dieu d'Amours m'aidera.

Raison est et sera des miens , Car ainsi m'en a fait promesse; Et Espoir mon chier ami tiens, Qui a maintesfois, par proesse, Bouté hors d'avec moy Destresse; Dont Dangier dueil et despit a ; Mais ne me chault de sa tristesse , Car le dieu d'Amours m'aidera.

Pource, requérir je vous viens, Mon cueur, que prenez hardiesse ; Courez lui sus, sans craindre riens, A Dangier qui souvent vous blesse ; Si tost que vous prendrez l'adresse De l'assaillir, il se rendra.

Je vous seccourray sans peresse :

Car le dieu d'Amours m'aidera.

Se vous m'aidiez, gente princesse, Je croy que brief le temps venrra Que j'auray des biens à largesse, Car le dieu d'Amours m'aidera.