BALLADE XXXIII

Belle, s'il vous plaist escouter Comment j'ay gardé en chierté Yostre cueur, qu'il vous pleut laissier Avec moy, par vostre bonté, Sachiez qu'il est enveloppé En ung cueuverchief de plaisance (10) Et enclos, pour plus grant seurté, Où coffre de ma souvenance.

Et pour nettement Je garder

Je Fay souventesfois lavé En larme de Piteux-penser, Et regrettant vostre beauté.

Après ce sans délay porté Pour sécher au feu d'Espérance; Et puis doulcement rebouté Où coffre de ma souvenance.

Pour ce, vueilliez-vous acquiter De mon cueur que vous ay donné ; Humblement vous en vueil prier, En le gardanl en loyauté Soubz clef de Bonne- voulenlé, Comme j'ay l'ait, de ma puissance, Le vostre, que tiens enfermé Où coffre de ma souvenance.

Madame, je vous ay compté De vostre cueur la gouvernance, Comment il est et a esté Où coffre de ma souvenance.