L'EGLISE DES YVRONGNES

Les gros gourmans n'ont jamais autre église Qa*une cuysine où ilz font leur service. Et leur prestre est, que pas fort je ne prise, Le cuysinier qui fait, sans nul faintise, Oblation au ventre et sacrifice; Car autre Dieu n'ont, la chose est notice, Que leur ventre où font services beaulx : D'yvrongnerie il vient infmitz maulx.

Pour leurs cloches ilz ont voirres et pots Que sonner font par une eslrange guise ; Pour eaue benoiste, le vin qui est es brotz, Dont ilz disent de très gouliars motz, En brocardant les gens par grant devise ; La langue ilz ont tousjours sur quelc'un mise , Qui asperge sur gens faulces paroles :

Les yvrongnes usent de raisons folles.

Leur sacrifice sont les metz de viande Qu'offrent souvent au ventre insasciabJe, Et leur autel est, sans qu'on le demande, La belle table où souvent on gourmande Par appétit qui est desraisonnable.

Vodeur des metz est Vencens délectable Qu*ilz odorent en grant prééminence :

Bon fait craindre de blesser sa conscience*

Laudes disent, par grant detractions, Parlant d'autruy, dont ne leur est proesse, Car en parlant trouvent inventions De mettre gens en grans contentions.

Qui trop souvent les picque, point et blesse ; Un yvrongne, de jour en jour ne cesse Faire noyses par ses faulces cautelles : Coups de langues font des playes mortelles.

C'est la période naïve et, si j'ose le dire, l'art iératique du calembour.