DE DEUX AMANS A VÉNUS

Nous deux Amans, qui, d'un mesme courage, Sommes unis en ce prochain village , Chaste Cypris , vouons à ton autel , Avec le lis, l'amaranthe immortel.

Et c'est à fin que nostre amour soit telle Que l'amaranthe à la fleur immortelle ; Soit tousjours pure , et de telle blancheur Que font les lis en leur pasle frescheur, Et que nos cœurs mesme lien assemble , Comme ces fleurs on void joinctes ensemble.