LES CONTREDITS DE FRANC GONTIER

BALLADE

Sur mol duvet, assis un gras chanoine, Lez un brasier, en chambre bien natée, A son costé, gisant dame Sydoine, Blanche , tendre , pollie , et attaintée : Boire ypocras, à jour et à nuyctée, Boire, jouer, mignonner , et baiser.

Et nud à nud (pour mieux leurs corps ayser), Les vy tous deux par un trou de mortaise. Lors je congneu que pour dueil appaiser. Il n'est trésor que de vivre à son aise.

Si Franc Gontier, et sa compaigne Heleine, Eussent ceste douce vie hantée.

D'aulx et civotz, qui causent forte alaine, Ne mangeassent bise crouste frottée.

Tout leur mathon , ni toute leur potée , Ne prise un ail : je le dy sans noisiér. S'ilz se' vantent coucher soubz le rosier. Ne vaut pas mieux lit costoyé de chaise?

VILLON. a/j^

Qu'en dictes-vous ? faut-il à ce musiér? Il n'est trésor que de vivre à son aise.

De gros pain bis vivent, d'orge et d'avoine,

Et boivent eau, tout au long de l'année.

Tous les oyseaux d'icy en Babyloyne,

A tel escot, une seule journée,

Ne me tiendroient, non une matinée.

Or s'esbatent (de par Dieu) Franc Gontier,

Heleine et luy souz le bel esglantier.

Si bien leur est, n'ay cause qu'il me pesé :

Mais, quoy qu'il soit du laboureux mestier,

Il n'est trésor que de vivre à son aise.

ENVOI

Princes, jugez, pour tous nous accorder. ^ Quant esta moy (mais qu'à nul n'en déplaise) Petit enfant, j'ay ouï recorder, Qu'il n'est trésor que de vivre à son aise.

BALLADE

Je connois bien moucbes en laict.

Je connois à la robe, l'homme.

Je connois le beau temps du laid.

Je connois au pommier la pomme.

Je connois l'arbre à voir la gomme.

Je connois quant tout est de mesme.

Je connois qui besogne, ou chomme.

Je connois tout, fors que moy-mesme.

Je coiinols pourpoint au collet.

Je connois le moyne à la gonne.

Je connois le maistre au valet.

Je connois au voyle la nonne.

Je connois quant pipeur jargonne.

Je connois folz nourriz de cresme.

Je connois le vin à la tonne.

Je connois tout, fors que moy-mesme.

Je connois cheval et mullet.

Je connois leur charge et leur somme.

Je connois bietrix et bellet.

Je connois gect qui nombre et somme.

Je connois vision de somme.

Je connois la faute des bresmes.

Je connois le pouvoir de Romme.

Je connois tout, fors que moy-mesme.

ENVOI

Princes, je connois tout en somme.

Je connois coulorez et blesmes.

Je connois mort, qui tout consomme.

Je connois tout, fors que moy-mesme.