LE REGNE DE CHARLES VIL

Du temps du feu roy, N'estois en esmoy, Qui me grevast guère ; J'allois à part moy Donner le beau moy A quelque bergiere ; Douces chansonnettes , Plaisans bergerettes , Toutes nouvellettes Pas ne s'y celoient ; Bouquets de violettes, A brins d'amourettes ,

i82 MARTIAL DE PARIS.

Et fleurs jolliettes , Çà et là voloient :

Oyseaux gazouilloient , Qui nous réveilloient Et rossignolloient , Ainsi qu'allouettes ; Baisers se bailloient, Cœurs s'amollioient , Et puis s'aecolloient Ezi ces entrefaites.

Il n'est tel plaisir Que d'estre à gésir Parmy les beaux champs L'herbe verd choisir, Et prendre bon temps ; Avec ma houlette Et cornemusette , Sur la belle herbette Je m'éjouissoye Avec bergerette , Plaisant jolliette , Baisant la bouchette , Si douce que soye ; Dieu sçait quelle joye !

En l'air je sautoye , Et chansons chantoye , Comme une allouette.

Mieux vaut la liesse , L'amour et simplesse

De bergiers pasteurs, Qu'avoir à largesse , Or , argent , richesse , Ni la gentillesse De ces grans seigneurs ; Car ils ont douleurs, Et des maux greigncurs ; Mais pour nos labeurs Nous avons sans cesse Les beaux prés et fleurs , Fruitaiges , odeurs , Et joye à nos cœurs, Sans mal qui nous blesse.

Vivent pastoureaux , Brebis et agneaux 1 •Cornez , chalumelles ; Filles et pucelles.

Prenez vos cbappeaux De roses vermeilles , Et dansez sous treilles , Au chant des oyseaux.

Depuis quarante ans , L'on ne vist les champs Tellement fleurir, Régner si bon temps Entre toutes gens , Que jusqu'au mourir Du roy trespassé , Qui pour resjouir

284 MARTIAL DE PAUIS.

Et nous secourir, A maint mal passé.

Si pour peine prendre, Bœufs et brebis vendre , Ravoir je pouvoye Le feu roy de cendre.

Et sur pieds le rendre, Tout le mien vendroye , Et ne cesseroye , Que ne luy auroye La vie retournée , Pour la douce voye , Le bien et la joye.

Qu'il nous a donnée.