PASTOURELLE

L'autrier chevauchoie de lez Paris Troval pastorele gardant berbiz, Descendiz à terre, lez li m'assis, Et ses amoretes je li requis.

El me dist, biau sire, par Saint Denis, J'aim plus biau de vous et mult melz apris : Ja tant conme il soit, ne sainz ne vis , Autre n'amerai , je le vous plevis :

Car il est biax, cortois et senez.

Dex je suis jonete

Et sadete.

Et j'aim tez.

Qui Jones est Et sades et sages assez.

RICHARD DE SEMILLI. 43

Robin l'atendoit en un valet, Par ennui s'assist lez un buissonet Que il s'estoit levez trop niatinet Pour coillir la rose et le musguet.

S'ot ja à sa mie fet chapelet Et à soi un autre tout nouvelet :

Et dist , je me muir, bêle, en son sonet : Se vous demorez un seul petitet, Jamais vif ne me trouverez.

Très douce damoisele, Vos m'ocirez , Se vous voidez.

Quant elle l'oï si desconforter Tantost vint à li sanz demorer.

Qui lors les veist joie démener, Robin des bruisier et Marot baler.

Lez un buisson s'alercnt joer.

Ne sai q'il i firent, n'en (juier parler: Mes n'i voudrent pas granment demorer, Ainz se relevèrent pour melz noter Geste pastorele; Vali doriax, b doriax Laire le.

Je m'arestai donc iluec en droit;

Si vi la grant joi€ que cil fesoit

Et le grant solaz que il démenoit

Qui oncques amors servies n'avoit.

Et di-je, maudit amors orendroit

Qui tant m'ont tenu lonc tens à destroit.

44 RICHARD DE SEMILLI.

Ges ai plus servies q'onme qui soit, N'onques n'en oi bien : si n'est-ce pas droit.

Pour, ce les maudi :

Maie honte ait cil qui amors parti ,

Quant g'i ai failli.

De si loing con li bergiers me vit, S'escria mult haut, et si me dist, Alez vostre voie par Jhesus Crist, Ne nous tolez pas nostre déduit :

J'ai mult plus de joie et de délit Que li rois de France n'en a, ce cuit. S'il a sa richece , je la lui cuit , Et j'ai ma miete et jor et nuit , Ne ja ne départiron.

Dancez , bêle Marion , Ja n'aim-je riens se vous non.

••^•o»<»»^»^.>»g»9«g«a#»««^a^»»»go«»«9^»'»'»^»«»«*^p«o<»»^»^»«»«^6^»^ft^

Thibault, roi de Navarre, donne au sire Raoul de Soissons, dans ses chansons, le titre de Sire de Vertus. Un même goût pour la poésie les avoit étroitement liés ensemble. On présume que Raoul de Soissons est le même que Henri de Soissons , qui fut pris à la Massoure , en suivant Saint-Louis , et qui fit des vers sur sa captivité.

CHANSON

Quant voi la glaie meure Et le rosier espanir , Et seur la bêle verdure La rousée resplendir,

Lors soupir Pour celé que tant désir.

Hélas ! j'aim outre mesure.

Autre si conme Tarsure Fet quan qu'ele ataint brouir , Fet mon vis taindre et pâlir Sa simple regardeure Qui me vint au ceur férir Pour fere la mort sentir.

Mult fet douce blécéure Bone amour eu son venir,

Et melz voudroit la pointure D'un escorpion sentir,

Et niorir , Que de ma dolor languir.

Hélas î ma dame est si dure Que de ma joie n'a cure Ne de ma dolor guérir :

Ainz me fet vivre martir ; Et c'est adès m'aventure C'onques dame ne servir Q'ele me daignast mérir.

Hé ! très douce désirée , Onques dame ne fu si :

Se vous m'aviez vée La joie dont je vous pri ,

Enrichi Sont mi mortel anemi , S'aurez leur joie doublée , Et à moi la mort donnée :

Si ne l'ai pas déservi.

C'onques honme ne transsi De mort si désespérée , Et bien vueil estre péri Puisqu'à s'amor ai failli.

He ! Dex , je l'ai tant amée Des primes que je la vi, C'onques puis d'autre riens née Ne de mon cuer ne joï ; Ainz m'a si

Lessié pour Tamour de li Que je n'aim autre riens née.

Mès se ma dame honorée Set qu'ele ait loïal ami , Bien devroit avoir merci Se loiauté li agrée.

Mes souvent avient ensi Que ce sont li plus haï.

Chauçon , va-t-en , sanz atendre , A ma dame droitement :

Prie li que sanz mesprendre Te die tout son talent :

Car souvent Vif plus dolereusement Que cil que mort fet estendre ; Mes sa douce face tendre En qui grant hiauté resplent, M'art si le cors et esprent , Que li charhons soz la cendre N'art pas si couvertement Com fet li los qui atent.