VIRELAI

On dit que j'ay bien manière D'estre orguillousete;

Bien affiert à estre fiere Jeune pucelette.

Hier matin me levay

Droit à la journée , En un jardinet entray

Dessus la rousée.

Je cuiday estre première Au clos sur l'herbette;

Mais mon doux amy y ère , Cueillant la flourette.

On dit que j'ay bien manière D'estre orguillousette ;

Bien affiert à estre fiere Jeune pucelette.

Un chappelet ly donnay,

Fait à la vesprée :

Il le prist , bon gré l'en say,

Puis m'a appellée :

Veuillez ouïr ma prière ,

Très-belle et doucette; Un petit plus que n'affiere

Vous m'estes durette.

JEAN FROISSART. i/^rj

On dit que j'ay bien manière

D'estre orguillousette; Bien affiert à estre fiere

Jeune pucelette.

ROND EL

Reviens, amy; trop longue est ta demeure Elle me fait avoir peine et doulour.

Mon esperit te demande à toute heure.

Reviens, ami; trop longue est ta demeure.

Car il n'est nul, fors toi, qui me sequeure, Ne secourra, jusques à ton retoiu'. Reviens , ami ; trop longue est ta demeure : Elle me fait avoir peine et doulour.

RONDEL

On doit le temps ainsi prendre qu'il vient Tout dit que pas ne dure la fortune.

Un temps se part, et puis l'autre revient: On doit le temps ainsi prendre qu'il vient.

Je me conforte en ce qu'il me souvient Que tous les mois avons nouvelle lune : On doit le temps ainsi prendre qu'il vient Tout dit que pas ne dure la fortune.

i48 JEAN FROISSART.

RONDEL

Amours, Amours, que voulez de moy faire?

En vous ne puis voir rien de seur :

Je ne connols ne vous , ne votre affaire. Amours, Amours, que voulez de moy faire?

En vous ne puis voir rien de seur.

Lequel vaut mieux parler, prier ou taire? Dites-le-moi, vous qui avez bon eur.

Amours, Amours, que voulez de moi faire ? En vous ne puis voir rien de seur.

RONDEL

De quoi que soit, se doit renouveller Un joli cœur, le premier jour de mai, Voire s'il aime , ou s'il pense à aimer : De quoi que soit, se doit renouveller Un joli cœur , le premier jour de mai.

Pour ce , vous veux , madame , emayoler , En lieu de mai , d'un loyal cœur que j'ai. De quoi que soit se doit renouveller Un joli cœur, le premier jour de mai.