BALLADE ET ORAISON

Pere Noé , qui plantastes la vigne ; Vous aussi , Loth , qui bustes au rocher , Par tel party , qu amour, qui gens engigne , De vos filles vous a fait approcher, Pas ne le dy pour le vous reprocher ; Architriclin qui bien sçustes cet art , Je vous en prie, ha ! laissez approcher L'ame du bon feu maistre Jean Cotard.

Jadis extrait il fut de vostre ligne , Luy qui beuvoit du meilleur et plus cher , Et ne dust-il avoir vaillant qu'un pigne , Certes (sur tous) c'estoit un bon archer. On ne luy sçut pot des mains arracher : De bien boire ne fust onccjucs faitard : Nobles seigneurs, ne souffrez empescher L'ame du bon feu maistre Jean Cotard.

Comme homme embeu , qui chancelleet trépigne , L'ay veu souvent , quand il s'alloit coucher ; Et une fois il se fit une bigne ( Bien m'en souvient ) à Testai d'un boucher. Brief, on n'eust sçeu en ce monde chercher Meilleur pion , pour boire tost et tard. Faites l'entrer (si vous l'oyez hucher) Lame du bon feu maistre Jean Cotard.

ENVOI

Prince il n'eust scu jusqu'à terre cracher; Tousjours crioist, haro, la gorge m'ard, Et si ne sçut oncq' sa soif estancher , L'ame du bon feu maistre Jean Cotard.