DOUBLE BALLADE

Aimez , aimez tant que voudreï^ , Suivez assemblées et festes ; En la fin ja mieux n'en vaudrez , Et vous n'y romprez que vos testes.

VILLON. il\"j

Folles amours font les gens bestes:

Salmon en idolastria Sanson en perdit ses lunettes; Bien heureux est qui rien n'y a.

Orpheus le doux menestrier.

Jouant de flustes et musettes , En fut en danger du meurtrier, Le chien Cerberus à trois testes.

Et Narcissus, le bel honnestes, En un profond puys se noya, Pour l'amour de ses amourettes.

Bien heureux est qui rien n'y a.

Sardina le preux chevalier , Qui couquist le règne de Crêtes , Et voult devenir moulier.

Et filer entre pucelletes.

David, ly roy, sage prophètes, Craincte de Dieu en oublia, Voyant laver cuisses bien faictes.

Bien heureux est qui rien n'y a.

Ammon en voulst deshonnorer (Feignant de manger tartelettes) Sa sœur Thamar , et déflorer.

Qui fait incestes deshonnestes.

Herodes ( pas ne sont sornettes ) Saint Jean-Baptiste en décolla , Pour dances, saultz et chansonnettes.

Bien heureux est qui rien n'y a.

De moy pauvre , je veuil parler.

J'en fus batu comme à ru' telles Tout nud ; ja ne le quiers celer.

Qui me fait mascher ces groiselles.

Fors Katherine de Vauselles , Et Noé le tiers qui fut là ?

Mitaines à ces nopces telles.

Bien heureux est qui rien n'y a.

Mais que ce jeune bachelier Laissast ces jeunes bachelettes :

Non, et le deust-on vif brusler, Comme un chevaucheur d'escovettes , Plus doulces lui sont que civettes ; Mais toutes fois fol s'y fia.

Soyent blanches , soyent brunettes , Bien heureux est qui rien n'y a.

BALLADE

Que vous semble de mon appel ?

Garnier, fis-je sens, ou follie?

Toute beste garde sa pel.

Qui la contraint , efforce , ou lye , S'elle peut, elle se deslie.

Quant donc , par plaisir volontaire , Chanté me fust ceste homélie, Estoit-il lors temps de me taire?

Si fusse des hoirs Hue-Capel , Qui fut extrait de boucherie.

On ne m'eust parmy ce drapel Fait boire à celte escorcherie , Vous entendez bien joncherie ?

Mais , quant ceste peine arbitraire On m'adjugea par tricherie , Etoit-il lors temps de me taire ?

Cuidez-vous que sous mon cappcl N'y eust tant de philosophie , Comme de dire , j'en appel ?

Si avoit , je vous certifie.

Combien que point trop ne m'y fie , Quarld on me dit, présent notaire, Pendu serés, je vous affie , Estoit-il lors temps de me taire ?

ENVOI

Prince, si j'eusse eu la pépie, Pieça je fusse où est Clotaire, Aux champs debout comme une espie; Estoit-il lors temps de me taire ?