LA TRAHISON PUNIE

Les traistres sont à despriser, De trahir ainsi une ville , Et ne sont jamais à priser , Eussent-ils fait des biens cent mille.

On lit d'un vaillant duc romain, Camilles qui menoit grant guerre A Philipes soir et matin , Pour sa cité prendre et conquerre.

Si eust lors un maistre d'escolle , Qui pour dons et honneur avoir, Voulust par entreprinse folle, Icelle cité décevoir.

Tous ses enfans un jour mena.

En disant les vouloir instruire :

Mais à dessein les pourmena.

Pour aux ennemis les conduire.

Les petits enfans qui n'avoient Science de cela connoistre, Alloient après et le suivoient.

Comme font les enfans, le maistre.

Or, sçavoit le dit maistre bien Qu étant de riche parenté , Ne demourroient captifs pour rien , Mais que Ton rendroit la cité.

Le duc voyant la trahison Que le dit maistie vouloit faire, Loin de lui faire quelque don, Ne luy voulut en rien complaire.

Ainçois dit de noble couraige , Qu'il n'y consenliroit jamais, Et ne feroit aucun dommaige Aux enfans qui n'en pouvoient mais.

Et pour punir la fausseté

Que ledit maistre avoit commise ,

L'envoya lié^ garotté,

Aux pères d'eux , nud en chemise.

Quant les pères et mères virent Sa grant courtoisie et bonté , Audit duc les portes ouvrirent , Et luy rendirent la cité.

Ainsi il gaigna pour bien faire , Et ledit maistre fut puny, Pour vouloir trahir et meffaire :

Péché jamais n'est impuny.