AUX FRANÇOYS

EN RECOMSTENDATIOIf DU LIVRE UE DOLET , DE LV MAJVIERE DE TRADUIRE , PUKCTUER ET ACCENTUER EN NOSTRE LANGUE , AVECQUES EXHORTATION A TOUS LETTRES FRANCOYS s'aY-AIER ET SOUBSTEKIR l'uN l'aULTRE.

Ces jours passés, Dolet, qui, par grand cure, L'immortel bruict de sa langue procure , Pour au francoys, Françoys habituer, Gomme pour lire et pour bien punctuer,

4aO CHARLES DE SAINTE-MARTHE.

Et purement aultre langue traduire ; Petit livret t'a voulu introduire , Plein de proffit. O noble esprit francoys! Affin que tien, non plus à aultruy , sois. En lisant donc iceluy tant bon livre, Estre te fault d'affection delibvre , Premièrement qu'en puisses rien juger , Puis, si tu veulx de visiteur user.

Changer, oster, racoustrer et reffaire, Pense, davant que jugement y faire, Si tu seras suffisant repreneur, Que ne sois dict un fol entrepreneur.

Pense qui est l'ouvrier de cest ouvraige , Et que par art, doctrine et long usaige, Mieulx qu'aultre peut juger en vérité, Et d'escripvant gaigner auctorité; Pense oultre plus du livre la substance, Et le proffit que son auteur t'advance, En y penseant, en gré tu le prendras.

Et le prenant, plus docte deviendras ; Car il te sert de perfaict exemplaire.

Non seulement en ta langue vulgaire, Pour bien parler ou escrire, combien Que cela seul te soit nompareil bien , Mais avec ce y trouveras doctrine Pour plus à plain entendre la latine.

Que te sert il langue estrange tourner, Si la tournant tu ne la sçays orner?

Puis que te vault une telle ornature , Si ne la sçays exprimer d'escripture ?

CHARLES DE SAINTE-MARTHE. /pi

Pourras tu bien escrijDre clignement Sans que tu ays sçavoir .premièrement?

Sans que tu ays de l'art la cognoissance, Et tant dehors que dedans jouyssance ?

Car c'est bien peu en l'esprit l'imprimer, Si tu ne sçays par escript l'exprimer.

Quelcun pourra paintre de nom se faindre; Mais s'il ne peult aulcune imaige paindre, Ou la paignant , s'il n'accommode point , Ainsi qu'il fault, les couleurs à leur poinct , Le debvons nous painctre penser ou dire ? Rien n'est aussi, en quelque langue escrire. Sans y avoir des mots variété, Et en user en leur propriété ; Il fault avoir avecques cest usaige Bon jugement et doulceur de langaige, Y adjouxtant, pour la perfection, Ordre d'accents et punctuation.

Cecy n'est rien , ainsi comme nous semble ; Mais le tout veu et amassé ensemble , Est à la fin trouvé de si hault faict. Que l'on n'y veoit aulcun estre parfaict , Et bien souvent ceulx que plus on estime D'avoir Tescript et la, langue sublime , Et emporter par dessus tous le pris, En ce cas là les premiers sont surpris.

Parquoy,Françoys, si dans ton cueur tu aymes Ta nation, ton honneur et toy mesmes, Demonstre toy du bien recogrioissant, Qui est moyen que ton bruit va croissant ,

Et n'use aussi d'aulcune ingratitude Envers celuy, lequel met son estucle , Son bien, son corps, son labeur et esprit A te remettre au dessus par escript.

Il t'a remis éloquence en lumière, Il t'a monstre très-facille manière, Comment pourras getter ton fondement Sur le latin , puis bastir bellement.

Donnant à ce la matière propice Pour eslever en l'air ton édifice.

Et , non content , affin que ne fussions Gent ridicule aux aultres nations, Qui bien souvent nous ont fait ce reproche, Que délaissons ce qui nous est plus proche. Et que de nous voulons nous estranger, Nous arrestant à langaige estranger.

Non content, dy je, il a prins ceste peine De nous monstrer nostre langue estre pleine De graves mots, termes et dictions Propres en tout à ses affections , Et qu'elle n'est, plus qu'une aultre, affamée, Mais très-antique et noblement famée , En son endroit ayant son règne et cours Sans qu'elle prenne aux estranges recours.

Ce labeur est à nostre langue lustre , Pour l'advancer et rendre très-illustre.

Pour Tadvancer et poulser en avant.

En luy gardant le los qu avoit davant.

Ne veulx tu donq, ô Françoys! y entendre ? Ne veulx tu donc virilement contendre

Contre qiielcuns barbares estrangiers, Qui les FVançoys disent estre legiers ? Et avoir oultre , avec la legierté , Un babil plain de trop grande fierté.

D'où prennent ilz d'ainsi parler audace ? C'est seulement de la maulvaise grâce Que nous avons des nostres depriser, Et, sans propos, les aultres tant priser.

Qu'a l'Italie ou toute l'Allemaigne, La Grèce, Escosse, Angleterre ou Hespaigne, Plus que la France ? est ce point de tous biens ? Est ce qu'ilz ont aux arts plus de moyens , Ou leurs esprits plus aiguz que les nostres, Ou bien qu'ilzsont plus sçavants que nousaul très? Tant s'en fauldra que leur vueillons cedder, Que nous dirons plus tost les excedder.

Un seul cas ont , et cela nous fait honte , C'est que des leurs ilz tiennent un grand compte. Et par amour sont ensemble conjoincts; Mais nous Françoys , au contraire , disjoints , Car nous avons à escrire invectives Pour nous picquer, nos plumes tant hastives, Soubdain prenons l'un à l'aultre amytié , Soubdain aussi faisons inimitié; Soubdain disons de nostre amy louenge, Et puis soubdain ce propos là nous change. Et, qui pis est, quand aulcun entre nous, En quelque chose est excellent sur tous. Où nous debvrions en consent unanime Le favorir et tenir en estime;

Si vers le prince aiilcun crédit avons,

Le reculons le plus que nous pouvons,

Ou nous taschons, par trop sotte escripture,

Faire son nom et sa louenge obscure.

Ce que nous sert de bien peu, car souvent

Tous nos efforts ne deviennent que vent.

Qu'estimes vous qu'en jugent les externes? Je m'en rapporte aux œuvres des modernes; Mais ilz n'ont peu trouver aultre argument, Sinon legiers nous dire seulement.

Velà, Françovs, Françoys , velà l'injure Que l'on nous fait. Fault il que la nature D'une tant belle et noble nation Soit corrumpue en altercation , Et qu'elle soit en icelle manière, A vostre grand opprobre, la dernière ?

Es veillez vous, regardez vostre honneur. Gentils Françoys, prenez vostre franc cueur, Ne permettez que la très-noble France, Par vostre tort, soit blasmée à oultrance; Mais faictes tant, que si aulcun mesdit D'elle, de bouche ou d'escript , qu'il soit dit Que ce n'est pas pour sa maulvaise vie. Mais seulement procedder d'une envie.

CHARLES DE SAINTE-MARTHE. l\iS

ELEGIE

DU TE.MPÉ DE FRANCE, EN LHONNEUR DE MADAME LA DUCHESSE d'ÉTAMPES.

Jadis il fut un lieu en Thessalie Place estimée à merveilles jolye, Cinq mille pas ayant en sa longueur, Six mille aussi en patente largeur, Champ délectant par plaisante verdure, Champ produisant toute bonne pasture , Champ , le vray lieu de toute aménité.

Là y avoit grande diversité De toutes flœurs et verdoyants bocaiges. Où l'on oyoit les beaulx et doulx ramaiges Des oisillons chantants souefvement.

Là florissoyent tous arbres noblement, Si très-espests , qu'ilz sembloyent forests fortes , Et produysoyent des fruits de toutes sortes, Amœnité leur umbraige rendoit, Et de Phœbus très-estuant gardoit, Gardoit de vent, de pluye et de tempeste.

Là n'y hantoit aulcune fere beste.

Qui jour ou nuict peust celuy dommaiger. Lequel y fust allé se soullaiger.

Il y avoit devers la main senestre, Des petits monts, et aultant à la dextre, Qui au beau lieu de deffense servoyent Par leur circuit, duquel l'environnoyent;

Fortifié ainsi fut, par la cure, Et le grand soing qu'y avoit mis nature.

Par le millieu, pour la perfection De tout soubhait et délectation , Qui si très-bien y estoit ordonnée, Alloit dormant le cristallin Penée, De tous costés de beaulx arbres vestu.

Lesquels estoyent tousjours en leur vertu; Et ce lieu là, garny de toute aisance, Et lieu remply d'incredible plaisance , Lieu soubs un air si très-bien attrempé. Les anciens ont appelle Tempe.

Plusieurs auteurs, gents dignes de mémoire. Le descrivant, ont voulu faire croire Qu'oncques ne fut dessoubs le firmament, Lieu à celuy semblable aulcunement; Et on dit plus, tant que seroit durable Ce monde cy, qu'il n'auroit son semblable.

Mais ilz n'avoyent assés bien calculé , Leur Tempe est maintenant recullé , Leur vieil Tempe au nouveau Tempe cedde ; Tempe , qui cil de Thessalie excedde , Tempe, qui est remply de tout plaisir.

Que soubbaitter pourroit l'humain désir.

Ce beau Tempe , c'est le Tempe de France , Avec plaisir, lieu de toute asseurance.

Auquel habitte un cueur si très-loyal , Qu'il est trouvé digne du lys royal.

Du vieil Tempe toute la grand' tenue.

En certains pas fut jadis contenue,

Et le plaisir que là on pretendoit , Tant seulement par termes s'estandoit.

INostre Tempe, chose miraculeuse, Quoy que ne soit place tant spacieuse , Il comprend plus toutefoys que celuy Que l'on disoit n'avoir pareil à luy.

Le vieil Tempe estoit plain de flourettes. Que produisoyent verdoyantes herbettes En grand odeur, plain d'arbres florissants, Et d'iceulx fruicts de toute sorte yssants , Ce nonobstant, quoy que soit chose heurée, Elle n'est point d'immortelle durée ; L'herbe flatrit et deseiche la flœur, Et par le temps se perd souefve odeur ; Les arbres verds perdent leurs verdes fouilles, Perdent leurs fruits avecques leurs despouilles, Et n'ont plaisir que pour un certain temps; Mais le Tempe, duquel parler j'entends, N'a point ainsi plaisance définie , Immortelle est la sienne et infinie.

En ce Tempe Rhanusie est entrée, Qui de l'habit de faveur acoustrée, S'assied auprès d'une noble déesse, Qui d'ycelui est la possesseresse , La favorit et la met en honneur , Cognoissant bien que mérite tel heur.

Venus y est , laquelle y fait merveille , Car luy donnant la beaulté nompareille.

Nous esblouist à la veoir , comme l'œil Est esblouy regardant le soleil ;

4i8 CHARLES DE SAINTE-MARTHE.

Son Cupidon n'est là dedans volage , Ains en changeant de sa première imaige, Il tient un traict , lequel tousjours il trempe Dedans un baing, que chasteté attrempe, En le trempant, immobile il le tient Par un arrest de foy qui le soubstient , Et là se fait par telle soul)stenue Affection d'immortelle tenue, D'où un Amour croist immortel aussi, O pleust à Dieu qu'il fust tousjours ainsi !

Juno y est avecques sa noblesse , Laquelle espand de tous costés richesse Et un estât de si bel appareil, Qu'en tout le monde en règne n'a pareil.

D'aultre part est la prudente Minerve, Qui s'y soullage avecques sa caterve, Noble Pallas, datrice de tout bien, Et pour venir aux honneurs le moyen.

Là sont aussi les troys belles Charités, La recompense à tous loyaulx mérites , Faisant plaisir, pourveu qu'il soit cogneu , Estre des bons tost ou tard recogneu.

Là est Diane avecques les Driades , Là est Terpé et les nymphes Naïades, Là Apollon, le puissant dieu et roy Est président , en triumphant arroy , Accompaigné des plaisantes neuf Sœurs Qui chantent chants pleins de toutes doulceurs C'est un grand heur veoir telle compaignie Se consoner en si doulce armonie.

Le temps passé, plusieurs gentils esprits Ont pris plaisir, par leurs doctes escripts, Commémorer le los très-magnifique Et le grand bruict du Tempe thessalicque ; Tout ainsi font les Muses en ce lieu.

Assises près d'Apollon leur grand dieu.

Calliopé, la tant bien résonante A à sa voix une voix consonante; C'est son Marot, le poëte sçavant.

Lequel premier met sa plume en avant, Plume de mots et sentences fertille, Plume à trouver et à coucher subtile.

Clio après, à son docte Colin, Colin sonnant grec, françovs et latin.

Et pénétrant de l'erudite sonde La crœuse mair de science profonde.

Puis Erato , un Sainct Gelais maintient, Qui sa partie avec les aultres tient.

Chantant des sons de sa sonante lyre, Plaisants à tous et utiles à lire.

Auprès duquel un Sceve s'est assis.

Petit de corps , d'un grand esprit rassis , Qui l'escoutant, malgré qu'il en ayt, lie Aux graves sons de sa doulce Thalie.

Avecques eulx y a ÎMelpoméné, La Maison-Xeuve , esprit gentil , mené , Qui tellement de sa harpe resonne.

Que n'est aulcun lequel ne s'en estonne.

Terpsicoré a près de sov Brodeau , Lequel tousjours invente chant nouveau ,

43o CHARLES DE SAINïE-MARTHE.

Et de son chant il fait si grand' merveille , Qu'il n'y a cueur que soubdain ne reveille.

Là Euterpé ne s'est mise en oubly, Ains le troupeau a très-bien ennobly, Par un Bouchet, qui tant de beaulx dicts couche, Tous proceddants de sa dorée bouche.

Et là au près Heroet le subtil, Avecques luy Fontaines le gentil , Deux, en leur sons une personne unie, Chantants auprès de l'haulte Polymnie.

Là Uranie à son Salel conduit.

Qui tous les jours ses factures produit. Par juste droict accommodé a elle.

Uranie est , entre les Muses , celle Qu'on dict céleste et de divinité ; Salel escrit de telle dignité , Et ses escripts si saigement compassé, Qu'il n'est aulcun qui en ce Toultrepasse.

Oultre ceul.x. cy , d'aullres y sont venus , Desquels les noms encor ne sont cognus. Qui quelque jour se feront apparoistre Si haultement, qu'on les pourra cognoistre.

Droit au millieu a un parc de plaisir, Lequel honneur pour soy voulut saisir.

Tout à l'entour, les vertus y consistent, Qui vaillamment à tous vices résistent; Force y est joincte à magnanimité, Tenant soubs soy pusillanimité; Prudence y est, qui au hault degré monte, Et par conseil témérité surmonte.

Avecques sov ayant pour son pouvoir Doulceur modeste et attrempé soavoir.

Là tient ses renés , celle qu'on dit Justice , Qui des bienfaicts donne claire notice, Qui donne aux bons rémunération, Et aux maulvais deue punition; Qui ne permet à aultruy faire injure, Bref, qui fait tout par esgale mesure.

Là , au dedans de ce parc , près d'honneur. Qui est du bien aux mérites donneur.

Est noblement une grand' dame assise, Belle, prudente, honorable et rassise, Ayant regard à merveilles humain.

Couronnée est, et tient sceptre en sa main, Et ce Tempe régente sans nul blasme.

Duquel elle est la souveraine dame.

O beau Tempe, lieu de félicité!

Comment sera ton plaisir recité?

Qui pourra dire ou plaindre en une table Ton haultain bien au mortel inscrutable?

Or venez tous maintenant, vous auteurs.

Du vieil Tempe jadis collodateurs.

Des deux Tempes, si faictes conférence.

Lequel sera qui aura préférence ?

Or sus, jugez, jugez en vostre endroit Si vous fondez le jugement en droict, Nostre Tempe n'est il plus autentique Cent mille foibs que le Tempe antique?

En ay-je escript? pourtant ce n'est rien fait. Car fusses je, moy seul, aultant perfaict,

Où qu'ont esté tant craultres si très saiges, Si éloquents, si facunds en leurs aiges, Ou ])ien que sont ceulx là de maintenant Qui ont sçavoir et esprit convenant Pour bien trouver, bien parler et bien dire, Je ne pourrois dignement le descrire; Et y penseant , ne sçay lequel des deux Je doibs juger estre le plus beureux, Ou le Tempe d'une telle régente , Ou celle là qui ce Tempe régente.

«-s »« 9«««a«i« >s »««« ««sAs-AAA »«•»««««« »s««e« «««« ««c«»e »«<.»4«««««^«« s, ^

Charles Fontaine, disciple, ami et apologiste de Clément 3Iarot, qu'il détendit avec un noble dévouement contre Sagon et La Huétei ie , naquit à Paris, le i3 juillet i5i5. Son père, honnête commerçant, qui aimoit les lettres et les cultivoit même dans ses moments de loisir, fut son premier précepteur. Il étudia ensuite au collège royal, sous le célèbre Danès, professeur de langue grecque. Son goût pour la poésie se manifesta de bonne heure et devint bientôt une passion. Jean Dugué, son oncle, avocat au parlement de Paris , fit de vains efforts pour lui faire embrasser la carrière du barreau. Notre poète répondit aux instances de Jean Dugué par une épître , où , après avoir mis la poésie au-dessus de toutes les professions, il le prioit de lui envoyer ses œuvres poétiques.

Quelques pièces adressées à Fi'ançois i'^'' firent connoître Charles Fontaine à ce prince, qui le reçut avec bonté; mais, sans doute trompé dans ses espérances, le poète se rendit à la cour de Renée de France, fille de Louis XII, qui avoit épousé, en 1328 , Hercule, duc de Ferrare. Il fut encore trompé dans son attente : ce qu'il reçut de cette princesse lui suffit à peine pour visiter quelques villes de l'Italie. Ce fut pendant ces courses , dont il est question dans plusieurs de ses épigrammes et de ses élégies, qu'il perdit sa sœur, Catherine Fontaine. Cette perle laffligea profondément ; il composa à ce m. 28

sujet une élégie où respirent les plus touchants regrets. De retour à Lyon, en i54o, il y épousa une jeune personne qu'il avoit connue lors de son passage par cette ville. Il en eut deux enfans ; mais elle mourut peu de temps après, puisquil se remaria en 1544? à une demoiselle du village de Chaponot, dans le Lyonnois. Plusieurs pièces de notre poète contiennent l'éloge de cette personne , sous le nom de Flora.

Charles Fontaine s'étoit fixé à Lyon , lorsque les parents de sa première femme , lui ayant intenté un procès , il fut obligé de venir plaider à Paris en 1547- Une pièce à sa Flora nous apprend qu'il en étoit séparé depuis six mois, et combien il souffroit de cette absence. Il s'amusa à composer une multitude de vers pour ses juges. Nous ignorons quelle fut l'issue de ce procès. Charles Fontaine retourna auprès de sa femme, se fixa à Lyon, et y mouiiit dans un âge avancé.

Ce poète rassembla la plus grande partie de ses œuvres sous ce titre : Les Ruisseaux de Fontaine. Ce recueil se compose d'un grand nombre d'épîtres, d'élégies , de chants divers , d'odes , d'étrennes pour l'année i555, de la traduction du premier livre du Remède d\imour d'Ovide, de vingt-huit énigmes , etc., et de diverses pièces tant de lui que de ses amis , sous le titre collectif de Passe-temps des amis. Ce recueil est adressé à Jean Brinon , seigneur de Villaines, conseiller du roi au parlement de Paris , avec une épître où le poète se promet d'avance l'immortalité. Tu vois ici , dit-il à son Mécène ,

Tu vois ici, par plus noble culture, De mon esprit les fleui s et fruits divers , Qui dureront contre la saison dure , Avec honneur portés par l'univers.

La seule de ses épîtres qui mérite d'être distinguée est celle à François i" ; il loue ce prince de la protection qu'il accordoit aux lettres , et des établissements qu'il avoit fondés dans l'intérêt des sciences et des arts. Son élégie sur la mort de sa sœur est aussi une de ses meilleures productions. On peut encore mettre de ce nombre celles où il pleure la mort de quelques uns de ses enfants, et son adieu à la ville de Lyon, lorsqu'il fut obligé de venir à Paris pour son pi^ocès.

Nous avons encore du même poète : une Ode sur r antiquité et V excellence de la ville de Lyon, imprimée en 1 55^, avec quelques épigrammes fort médiocres j — un Recueil d'odes , d'énigmes, d'épigrammes , etc. , qui parut la même année à Lyon , et qui est adressé Pour étrennes au roj, a la reine, a madame Marguerite, etc. : les pièces de ce recueil sont , pour la plupart, au-dessous du médiocre j — une traduction en vers des Sentences du poète Jusone sur les dits des sept sages ^ — un autre Recueil de poésies, imprimé à Lyon en i588, sous le titre de Jardin d^ amour , avec la Fontaine d^ amour, qui contient quelques élégies imitées d'Ovide, des épîtres, des épigrammes, etc.; — enfin, un poëme intitulé la Contre- Amje, qui fut composé en réponse à VAmje de court, de La Eorderie , dans lequel notre poète embrasse la défense de l'amour, qu'il considère comme un sentiment honnête et légitime. Charles Fontaine a encore composé quelques autres ouvrages peu importants. 11 avoit de la facilité dans l'expression , et ses vers ne manquent pas de naturel, il a quelquefois employé avec succès le genre didactique.