CONTE NOUVEAU

Un bon esprit, quand le beau jour l'esveille,

Soubdain cognoist que ce n'est de merveille.

Si en ce pauvre çt misérable monde ,

Prou de malheur et peu de bien abonde ,

Par ce qu'il veoit, tout bien et quis compté,

Plus y avoir de mal que de bonté.

Je dis cecy me souvenant d'un compte ,

Lequel fut tel que certes j'ay grand honte.

Toutes les fois que j'y tourne à penser,

Et si n'estoit que j'ay peur d'offenser

La netteté de noz chastes aureilles ,

Je le ferois, et vous orriez merveilles

Touchant le fait de certains maléfices;

Mais s'il est vray que les propos de vices

Sont moins nuysantz aux espritz vertueux,

Luc de vertu , les actes fructueux ,

A gens pervers ne sont bons et vallables.

Faire le puis; car voz meurs tart louables,

Ja n'en seront pires, comme je pense,

Or dit le compte , afin que je commence

Vous racompter ces estranges nouvelles,

Qu'a Tours estoient quelques sœurs assez belles,