DEPUIS DUCHESSE D ÉTAMPES

Ayant perdu l'occasion de plaisante escripture, et acquis oubliance de tout contentement, n'est demouré riens vivant en ma mémoire que la souvenance de votre heureuse bonne grâce, qui en moy a la seulle puissance de tenir vif le reste de mon ingrate fortune ; et pourceque l'occasion, le lieu , le temps et commodité me sont rudes par triste prison, vous plaira excuser le fruict qu'a meuri mon esperît en ce pénible lieu, et entendre que, en quelque peine, tourment, garde que puisse estre le corps, la volunté ne cliercliera que la doulce occasion de faire chose qui vous puisse donner congnoissance que ce qui est demouré en lui libre et non mort n'est desdyé que à vous faire service ; par quoy cest indigne présent de votre honneste veue sera, s'il vous plaist , recueillj, non comme son imperfection mérite, mais comme tiibut de ma pensée ; laquelle seulle , pour la nécessité de ma liberté , a considéré ne vous povoir faire autre service que vous rendre compte de ma misérable calamité , affin de vous convertir en autant de piteuse souvenance, comme a d'affection de vous servir celui qui va dire :

Triste penser et prison trop obscure, L'honneur, le soing, le devoir et la cure. Que je soustiens des malheureux souldars Devant mes yeulx desquels j'ay la figure , Que par raison , et aussi par nature , Dévoient mourir entre picques et dars, Plustost que veoir fouyr leurs estandars ,

' Mademoiselle d'Heilli , maiti-esse de François i", mariée en i536 ù Jean de Brosse , fils de René, l'un des dix-neuf complices du connétable de Bourbon , et condamné à mort par contumace. Le roi lui rendit ses biens qui avoient été confisqués , le fît duc d'Etampes , chevalier de l'Ordre, et gouverneur de Bretagne.

Me font perdre de raison l'atrempance , Quant de te veoir j'ay perdu l'espérance.

Toujours amour par fermeté procure Qu'à désespoir point ne face ouverture; Mais tous malheurs viennent de tant de pars. Qu'ils me rendent indigne créature Tant que d'erreur en mon chef faiz saincture. Les yeulx haignés, vers toi sont mes regards, Ne faisant plus contre ennuy nuls remparts, Si n'est d'avoir ton nom en révérance , Quant de te veoir j'ay perdu l'espérance.

Mais je ne sçay pourquoi tourna langure En mal sur moy, car ma progéniture Eut tant de biens, qu'en tous lieux fut espars; Plaisir pour dueil étoit lors leur vesture ; Plaisante et doulce sembloit la nourriture De leurs subjects , gardans brebis es parcs, Toujours bâtirent lyons et lyépars ; Mais j'ay grant peur n'avoir tel heur en France , Quant de te veoir j'ay perdu l'espérance.

O grant amour, éterne et sans rompture , Dont l'infmy est juste la mesure, Dis-moy, perdray-je à jamais ta présence, Dont brief verras sur moy la sépulture , L'esprit à toy, pour le corps pourriture, Quant de te veoir j'ay perdu l'espérance ?

Tu te pourrois ores esmerveiller Pourquoy je vueil maintenant travailler, T'escripre vers pour te faire savoir Chose en effect où tu ne peulx pourveoir,

FRATS'ÇOIS PREMIER. lï

En te faisant juger en ton esprit Que lîien foible est l'effect de mon escript , CLivcler couscher en fins vers et en mettre Ung infiny vouUoir soubz mauA^ais mètre.

Ne treuve estrange , amye , si le veoir Qui tant me peult a perdu le povoir, Parquoy je viens par triste escripture Te déclairer ma fortune tant dure , Te requérant par notre affection, Invincible de nulle division, Point ne voulloir prendre mélencolye De mon escript, n'aussy de fascherie, Car tu scés bien qu'en grande adversité Le récorder donne commodité D'aucun repoz, comptant à ses amys Le desplaisir en quoy l'on est soubzmys. Saches doncques qu'en ceste propre heure Avecques toy plus je ne fiz demeure, Que je sentiz comme s'elle eust esté Dedans mon cueur mon infélicité ; Mais renommée envers moy si s'advance, Me commandant que feisse dilligence, Disant, par fer et feu tes ennemys Ont grande part de ton pays soubzmys , Digne ne seroys qu'on t'aymast pour ton veoir. Si maintenant oubl} oys ton devoir ; Marne avec toy sans dissimulation , Désir, honneur, amour, affection.

Ces quatre là compaignye te feront, En nul péril ne t'abandonneront.

Quant j'entendis que la nécessité Que je marchasse esloit pour vérité, Je m'advançay, défendant mon pays, Des ennemys à bon droict trop hays ; Que dirai plustost fut preste l'armée D'honneur conquere et de gloire affamée : Si feismes tant que nosdits ennemys Veirent tantes et pavillons presmis.

De passer l'eau qu'on nomme la Durance , Feismes devoir et grande dilligence.

Mais l'Espaignol tourna la sienne envie De combattre, pour tost sauver sa vye En reculant, de son salut soigneux.

Prandre Marseille alors n'est envyeulx, Dont s'en alla perdant toute espérance De plus mal faire, ne nuyre à la Prouvance En mauldissant Bourbon et ses practiques, Congnoissant bien ses trahisons inicques. Avecques eulx avoit un chef louable , Et de vertu trop fort recommandable; Celuy estoit en guerre et payx exquis , De Pesquere se disoit le marquis :

Dont par bon sens tous les siens si ralye , Droict le chemin s'y prennent d'Ytalye , Car à bon droict il estoit l'espérance De tout leur camp par vertu et prudance. Parquoy souldars luy laissent faiz et soing De leur salut en ce très grant besoing; Mais par conseil si ne leur peult donner. Pour eulx sauver, voulloir habandonner

FRANÇOIS PREMIER. i3

Artillerye et bagaige en effect ,

Car sans cela tout eiist esté deffaict.

Trop estions près et puissans sans doubtance

Pour combattre sans doubteuse espérance,

Si fortune, sur moy tant envyeuse,

D'un trop grantbeur n eust faict vye malheureuse.

Et moy voyant la difficuleté ,

Et de le joindre impossibilité,

Je concludz lors suivre mes ennemys

Qui jà estoient tous dans les haults monts mis

Par autre voye , et chemin n'advancer,

Dont point deceu ne fuz de mon penser.

A tous mes gens je fiz grant feste et joye

Pour esprouver cette nouvelle voye ,

En leur disant : O souldars et amys.

Puisque fortune en ce lieu nous a mis.

Favorisons la sienne voulenté

Par la vertu de nostre honnesteté ,

En ne craignant des grans monts la liaultesse ,

Vous asseurant sur ma foy et promesse

Que si premiers sommes en Ytalye ,

Que sans combat guerre sera finye.

Vaincquons doncq par vertu nos passions;

Plaisirs, maisons, fault que nous oublyons;

Donnons repoz par ung peu de souffrance

Que porterons à ceste notre France.

Cela leur dis pour tousjours esmouvoir

La notre armée à faire son devoir.

Mais pour certain je congnuz bien alors

En la pluspart estre vertu dehors.

l4 FRANÇOIS PREMIER.

La montalgne de neige revestiie Leur cueiir atriste et leur voulloir si tue, Prenans coulleur pour mieulx dissimuler Que bien failloit premièrement aller Sur le fleuve qu'on nomme la Durance Faire un pont ; mettant leur espérance Que la longueur romperoit l'entreprise, Couvrant leur peur du manteau de fainctise. Mais l'eau ne veult nullement comporter Le faiz que voit sur elle à tort boutter. Bien nous monstra qu'en elle eut plus d'honneur Qu'en noz souldars de cueur ne de bonheur ; Car tout soubdain se rendit si petite, Baissant son cours par trop legiere finite , Que nous laissa passer tout le bagaige, Et campagne tant nous fîst d'avantaige.

Mays qui pourroit se garder de aymer Fleuve tant digne, et noz souldars blasmer. Avant faillu que Teaue sans congnoissance Ayt triumphé dhonueur sur leur offence ? Dont passasmes suivans notre entreprinse, Estant en nous nouvelle force prinse.

Et tant feismes qu'en unze jours pour veoir Lès champs lombards peusmes apparcevoir; Et s'il eust pieu alors à Dieu permettre Que de tous cueurs j'eusse esté le maistre, Pour m'obéir en telle dilligence Que faict de guerre mérite qu'on s'advance , Et qu'en la mer l'armée de notre part De noz ports eust faict dilligent dépari

FRANÇOIS PREMIER. i5

Pour assaillir la terre de Sécille, A nous par droict royaume trop fertille, Piome ne feusse aux Espaignolz soubzmys, Soubz prison triste esloignant mes amys, Sans roy ne fust la nostre noble France, Ne si longue n'eust esté mon absence : Mais non pourtant ne laissay l'entreprise, Tant que rendiz Millan subjecte et prise, Mes ennemys fuyans de toutes parts.

Dans les villes çà et là tous espars.

Bien je cuydoys la victoire certaine, Et le triumphe en porter pour estraine. Mais quoy î le sort de ma félicité Fut converty en infélicité; Par le voulloir de mes chefs, en effect, Fut empesché le fruict de mon effect : Ung seul d'entreulx conduict par passion Faire au rebours de notre oppinion.

O comme heureulx se peult dire le prince , En guerre allant ou gouvernant province, Quant ses subjects de vertu ne font vice, Ne congnoissant proffit que son service ! Parquoy je puis à bon droict me douloir De ceulx de qui j'y ay congnu voulloir. Pour abréger, en lieu d'exécuter, Devant Pavye allasmes nous boutter; Long-temps fiismes faisant tout le possible , Mais la prendre à nous fut impossible.

Finablement les nostres ennemys Congnurent bien qu'en tel terme estoit mis

iC) FRANÇOIS PREMIER.

La leur cité si n'estoit secourue, Qu'en peu de temps pourroit estre perdue , Dont conclurent de tost la secourir, Tous résolus de vaincre ou de mourir.

Long-temps j'avoys remédié au faict, Si mon vouUoir eust esté bien parfaict; Car de mes gens soubdain je feis partir Pour seullement servir et divertir.

A Naples droict j'envoye toute la bande : La dilligence alors leur recommande; Mais au rebours ils furent négligens , De tost aller trop paresseux et lens.

Mais, quant fortune au rebours veult venir, De tous dessains Ton voit mal avenir ; Peu me valut le soing de commander, Gens en guerre souventes fois mander^ ]Ve mais aussi les fleuves arrester, Quant victoire je n'ay sceu remporter.

Doncques le temps passant jours froits et cours , Chemina tant qu'amena le secours Des ennemys cherchans lors le combat , Et nous aussi voullions bien le débat; Troys sepmaines nous fusmes si près mis, Que plus voisins estions que bons amys. Que diray-je? la nostre fierté En peu de jours perdit l'auctorité.

Sans raison nulle alors la nostre sent Se refroidit, s'excusant sur argent.

Mais l'ennemy qui eut nécessité, Trop plus que nous feist toute extrémité

De nous combattre, ayant grande doubtance D'estre rompus sans donner coup de lance : Donc au matin ils feirent leur entrée Dedans le parc, place bien esgallée; Et nous aussi jà estions en bataille , Artillerie avions bonne sans faille ; Mais pour tout vray la leur tout au premier Nous gaignasmes, ce ne peult l'on nyer ; Parquoy la trouppe à chacun sans doubtance Des ennemys tourna en dilligence Pour secourir, car à la vérité Leurs gens avoient grande nécessité.

Lors je marchay avecques espérance D'un gaing certain, sans nulle deffiance. Treize enseignes de gendarme, en effect, Feiz demourer fermes pour bon effect.

Nos Allemans avecques eulx je laisse , Leur commandant qu'ils marchassent sans cesse Au petit pas, afin que leur désir Fust bien conduict à temps et à loisir : Et cela faict, je retins pour ma bande Troys enseignes; à ceulx-là je commande Voulloir marcher, leur priant qu'à l'ouvraige Congnoistre on peult l'effect de leur couraige : Dont chemynant nous mismes certe alors Toute la craincte et peur de noz cueurs hors : Bien monstrasmes, et chacun le peult veoir. Que peu prysons la vye pour devoir. Leurs gendarmes qui venoient sur leur garde Marchoient en deux , bataille et avant-garde, m. 2

Quatre foiz plus estoient que nous ensemble , A nous chercher ainsi comme il me semble. Mays toutesfoiz si bien nous combatismes, Que leur grant gloyrc alors nous abbatismes; Si fismes tant que tous fusrent remis Fuyans, rompuz, les nostres ennemys; Dont de chasser tout joyeulse s'advance La nostre gent, seure victoire pense.

Ainsy chassant, une trouppe trouvasmes De lansquenetz, qu'alors aussi chargeasmes. Mais pour certain bien peu ils combattirent, Et le chemin des fuyans tous ils tirent ; Picques, lances et leurs chevaux légiers, Je veiz fouyr meslez d'arquebusiers.

Tant que je peus leur peur alors convoyé, Estant remply de trop heureuse joye.

Mais comme fut trop soudain convertye Cette espérance en pensée admortie !

Car tost je veiz ceulx-là qu'avoys laissés, De tout honneur et vertus deslaissés :

Les trop meschans s'enfouyrent sans combat; Et entre eulx tous n'avoit autre desbat , Si n'est fuyr laissans seure victoire.

Pour faire d'eulx honteuse la mémoire.

O malheureux ! mais qui vous conduisoit A tel erreur, ne qui vous advisoit ?

Habandonner fuyans en desarroy Honneur , pays , amys et vostre roy !

Nos Allemans couvrent leur fuyte entière, Pisans la nostre avoir esté première :

FRANÇOIS PREMIER. l(

Parquoy perdez d'estrangiers la France, Et des nostres la trop longue asseurance : Certes je croy pour vray que les meschans. Par tous pays , en villes et en champs , Comptent à tous leurs mérites et faiz , Tout ainsi que s'ils estoient bien parfaicts : Se descbargeant de leur infamité Dessus les morts , qui pour honnesteté Ont mieulx aymé fin honorable prandre , Qu'aymer leur vye et les autres reprandre. Parquoy concluds n'estre mal en la France , Que des hommes ne faire différance.

Mais pour venir à mon premier propoz, Quant indignes de vertuz et repoz Je veiz mes gens par fuyte trop honteuse . A leur honneur et à moy dommageuse , Triste regret et peine tout ensemble , Dueil et despit en mon cueur si s'assemble ; ' Autour de moy en regardant ne veiz Que peu de gens nostres à mon ad vis; Et à ceulx-là confortay sans doub tance De demourer plustost en espérance D'honneste mort ou de prise en effect , Qu'envers honneur de nous riens fust forfaict Dont combatans furent tous morts ou pris Ce peu de gens qui méritent grant pris. Et là je fuz longuement combatu , Et mon cheval mort sus moy abbatu.

Dehors du parc pensans sauver leur vye , Nostres assez estant peur leur amye.

Furent rompus , prisonniers et dcffaicts ;

Ceulx-là je nomme en vertu imparfaicts.

Assez souvant si me fut demandée

La mycnne foy qu'à toy seulle ay donnée;

Mais nul ne peult se vanter de l'avoir.

En te gardant d'amytié le devoir,

Encore ciue nul salut espérasse,

Et de ma vye en tout désespérasse ,

Je te promects que j'eus bien la puissance

D'esvertuer ma débille deffense ,

Pour empescher que la verge donnée , "

Que bien congnoys , point ne me fust ostée.

Mais que vaut force où là est violance ?

Emporter fault l'erreur par patience.

De toutes pars lors despouillé je fuz ;

Et la manche " de moy tant estimée

Par pouvre main fut toute despecée.

• Las ! quel regret en mon cueur fut boutté , Quant sans deffense ainsi me fut osté L'heureux présent par lequel te promis Point ne fouyr devant mes ennemis !

Mais quoy j'estois soubz mon cheval en terre ! Entre ennemys alors porté par terre , Dont ma deffense à l'heure ne valut Contre mon gré ; aussi Dieu ne voulut. Bien me trouva en ce piteux arroy Exécutant leur chef le vice-roy.

' Apparemment l'épée du roi lui avoit été donnée par cette dame.

' Celte manche étoit aussi un cadeau de sa maîtresse.

Quant il me vit , il descendit sans faille , Affin qu'aydé à tel besoing ne faille.

Las ! que diray ? Cela ne veulx nyer : Vaincu je fuz et rendu prisonnier.

Parmy le camp en tous lieux, fuz mené , Pour me monstrer çà et là pourmené.

O quel regret je soustins à cette heure Quant je congnus plus ne faire demeure Avecques moy la tant doulce espérance De mes amys retourner veoir en France ! Trop fort doubtant que l'amour de ma mère Ne peust souffrir ceste nouvelle amere , Par desplaisir causé de ma prison , Sans regarder qu'en tant triste saison Le seul confort de toute France est mys Sur sa vertu , la gardant d'ennemys , Et qu'en ma seur ne demourast povoir Pour telle dame et à son mal pourveoir; Et si me fist la pitié lors entendre De mes enfans la jeunesse tant tendre, Pour se savoir ny garder ny deffaire Contre nulluy qui leur voulust mal faire. Mais certe , amye , alors le souvenir De nostre amour ne faillit advenir, Congnoissant trop qu'en la nécessité Sur tout penser avoit l'auctorité.

Mais pourquoy veulx à ceste heure prétendre Te .déclairer n'aussi te faire entendre Chose qui est de toy trop mieulx congnue Par soing d'amour que si tu l'avoys veue ?

Bien je pensay doulent à telle heure

Avecques toy plus ne faire demeure ,

Dont tout (l'un coup je perdis l'espérance

De mère et seur, enfans, amys et France.

Parquoy je fuz et suis sans nul plaisir,

Autour de moy ne souffrant nul désir,

Que supplier la puissance infinie

Que ta grant peine à heur soit convertye ;

Et qu'il te doint à jamais le povoir

D'avoir le bien qui t'est deu pour devoir :

Et qu'en la fin tu soys bien mariée ,

Vivant en paix, contante de lignée.

Quant à moy j'ay pris résolution

Nourrir ma we en tienne affection ,

Ainsy passant le surplus de ma vye

Sans qu'au monde aye regret ny envye ,

Avec honneur ayant faict mon devoir.

Prisonnier suis, chacun le peult bien veoir.

Cela contante assez l'adversité

De ma prison et l'infélicité.

Mais si le temps quelque jour veult permettre

Qu'en liberté me puisse veoir remettre ,

Pour retourner , ma fortune changée ,

En ma maison qui ne peult estre aymée

Que pour reveoir chose trop fort volue ,

A moy captif désirée et congnue,

Alors sera converty la couleur

De nostre mal en plaisir pour doulleur;

Alors verrons triumphant le plaisir

Tant achepté par tourmenté désir,

Et nostre foy esprouvée en absence Lors recevra le friiict de récompense.

Par tel effect ne se pert pas une heure En abrégeant ceste longue demeure Qui aux amys donra contentement, Si loy d'amour en tout ne fault ou ment , De ceulx ne diz qui n'ont eu espérance En leur honneur ny à ma délivrance :

Ores je suis en seur port arrivé , Où pour certain j'ay parfaict esprouvé Plus de pitié dedans les eaues parfondes , En mer cruelle adoucissant ses undes , Favorisant la myenne liberté , Qu'en tout le temps qu'en prison j'ay esté. Je n'ay trouvé dilligente affection En ceulx qui m'ont tant d'obligation , Et croy pour vray que en peu de couraige Est demouré résolution bien saige.

Quoi qu'il en soit , amye , je mourray En vostre loy, et là je demourray.

La liberté ou prison sans doubtance En mon voulloir point ne feront d'offense : Si libre suis, noz jours ensemble userons. Tous deux contans ainsi temps passerons ; Et si prison il fauldra que j'endure , Y finissant mes jours soubz peine dure , Si demourray-je en tel travail semblable Comme ay esté ; point ne seray muable ; Mort ne péril , esloignement d'amys , Ny les travaulx à quoy je suis soubzmys ,

Indignes sont de nulle auctorité Pour remuer la myenne voulenté, Estant bien seur de toy que ton devoir Donne crédit à ton ramentevoir , Et que le temps et la fascheuse absence Avec oubly sur toy n'auront puissance , Car ton amour qui tant est asseurée En grant travail sera fortiffiée , Dont dire puis qu'esgalle peine avons , Esgalle offrande à amour nous devons.

Pour faire fin, c'est mon dernier voulloir En tout endroict de faire mon devoir , En suppliant le voulloir tout possible ISe te rendre ton plaisir impossible, Vivant contante , ayant la souvenance De mon amour , sans nidle deffiance ; Car au monde mon corps te laisse et donne, Après la mort mon esperit t'ordonne , Lors immortel tout entier, non demy ; Témoing en est la main de ton amy.

CHANSON