DE LA. COMTESSE DE CHATEAU BRI ANT

ICY dessoubz , cy gist en peu d'espace De fermeté la montaigne et la masse ; En amitié seul chef-d'œuvre parfaict Qui rand chacun trouver ung tel effect Si vertueux que ung chacun y passe.

Celle a souffert qu'en son vivant l'aimasse , O quel record que le temps point n'efface !

L'ame est en liault, du beau corps c'en est faict Icy dessoubz.

Ha ! triste pierre , ains as-tu tant d'audace De m'empesclier celle tant belle face, En me rendant malheureux et deffaict ?

Car tant digne œuvre en rien n'avoit meffaict , Qu'on l'enfermast avec sa bonne grâce Icy dessoubz.

HUITAIN

Amour , amy de tous , reste des siens ,

Pour me tromper de moy s'est allié;

Et me voyant attaché et lié

En sa prison d'invincibles liens ,

M'a esloigné et de moy et des miens ,

Me contraignant n'aymer fors mon contraire.

Hélas! amours, s'ainsi traittes les tiens,

Qui vouldra plus devers toy se retraire ?