SCENE IV

MARIE, seule.

L'homme de ce Protenotaire

N'est pas des plus niez du monde :

Quand il est céans il me sonde ,

Et semble bien à l'ouyr dire

Qu'il ait intention de rire

Tout ainsi comme faict son maistre ;

Et croy que s'il se sentoit estre

Si peu que rien favorisé ,

Il seroit bien assez rusé

D'essayer s'il pourroit bien faire

Ce que faict le Protenotaire.

Je n'useray plus de rudesse

En son endroit ; car ma maistresse

Dict qu'il ne fault point refuser

Ce qui ne se peult onc user.

« Aussi est-ce une grand' folie

« Que d'engendrer melancholie.

JACQUES GREVm. tk'5g

a Nous n'aurons pas tousjours le temps <c Pour rendre nos. désirs contens. »

Il fault donc prendre le loisir , Puisque nous voyons le plaisir S'offrir d'une gaité de cueur.

Et pourquoy non ? le serviteur N'aura-il aussi grand' puissance De me donner la jouissance , Et rendre l'appétit content De ce point que l'on prise tant, Comme monsieur à sa Constante ?

Je croy que le mal qui tormente L'esprit et mon repos de nuict Se guerist par mesme deduict :

Autant peult le lait que le prestre , Et le serviteur que le maistre , Le pauvre , comme un de grand' race.

Mais je ne voy point Boniface Venir ainsi qu'il a promis.

24o JACQUES GREVIN.