RICHARD, LOYS

RIGHARD.

Monsieur, il est prest à partir, Et ne reste plus que quictance Pour vostre debte et pour l'avance ; Car l'argent est desja tout prest.^

LOYS

Combien prent-il pour l'interest ?

Vingt-cinq escus pour le payment, Et autant sur l'avancement.

LOYS

C'est trop vrayment de la moitié.

RICHARD

Encor' si n'estoit Tamitié B'un sieû voisin , il ne pourroit Vous^ en bailler.

LOYS

Et ce seroit Un tour duquel la repentance Suivroit de bien près la vengeance.

Retiendroit-il ainsi mon bien ?

RICHARD

Monsieur, encor n'y prend il rien; C'est un marchant, comme j'ay dict.

• LOYS

Pardieu , il a pauvre crédit A ce presteur.

RICHARD

Voyla que cest :

(( Les amis sont à interest , a Encore se fault-il haster. »

liOYS.

Or, puisqu'il en fault eschapper, Voyla l'autre quictance encor'.

C'est mon, mais.de la chaine d'or Que demande la damoiselle.

LOYS

Je n'en sçache point d'assez belle :

Délivre luy cinquante escus Pour en acheter une , ou plus , S'il est mestier ; la recompense

Que je prétends, vault la despence :

Au demeurant , haste le pas.

RICHARD

Les escadrons et les combas

N'eurent oncque si grand' puissance

Que monsieur n'y feit résistance :

Et maintenant une beauté

Triomphe de sa liberté.

Encor' vrayment la damoiselle , f

Quant tout est dict , n'est pas si belle :

Toutesfois je ne la deprise ;

« Car on dict que la marchandise

a Qui plaist est à demy vendue. »

Je crain que ma voix entendue

Ne soit entrée en la cervelle

De ceste rapporte-nouvelle ,

Qui m'attend là devant la porte ;

Car vrayment elle est assez sotte

Pour le rapporter à Constante.