AVANT-JEU

Non, ce n'est pas de nous quil fault, Pour accomplir cest eschafiault, Attendre les farces prisées Qu'on a tousjours moralisees :

Car ce n'est nostre intention De mesler la religion Dans le subject des choses feinctes.

Aussi jamais les lettres sainctes Ne furent données de Dieu , Pour en faire après quelque jeu.

Et puis tout' ces farces badines Me semblent estre trop indignes Pour estre mises au devant Des yeux d'un homme plus sçavant.

Celuy donc qui vouldra complaire Tant seulement au populaire , Celuy choisira les erreurs Des plus ignorans basteleurs :

Il introduira la nature , Le genre-humain 9 l'agriculture, Un tout , un rien et un chascun , Le faux-parler, le bruict-commun^ Et telles choses qu'ignorance Jadis mesla parmi la France.

208 JACQUES GREVm.

Que pourrons nous donc inventer A fin de chascun contenter ?

Quoy ! le badinage inutile Par qui quelquefois Martin-Ville Se feit escouter de son temps ?

Quoy! demandez vous ces romans Jouer d'une aussi sotte grâce , Que sotte est ceste populace De qui tous seuls ils sont prisez?

Vous estes bien mieux avisez, Comme je croy : vostre présence Mérite avoir la jouissance D'un discours qui soit mieux limé. Aussi avons-nous estimé Que la gentille poésie Veult une matière choisie , Digne d'estre mise aux escrits De ceux qui ont meilleurs esprits :

Et non pour estre ainsi souillée , Ou en mille pars détaillée Par ceux qui encor' ne l'ont pas Saluée du premier pas :

Et qui pensent, malgré Minerve, La retenir ainsi que serve , Ou dans l'escole la lier Ainsi qu'un petit escolier.

Non , . non , ce n'est . pas sa nature Qu'elle s'en voise à l'avanture Vers celuy qui la veult avoir.

Il fault premièrement sçavoir

JACQUES GREVIN. aog

Petit-à-petit sa pensée :

Car eir ne veult estre forcée , Ny traictee , comme souvent Nous l'avons veue au paravant Au joug d'une plume marastre.

N'attendez donc en ce théâtre Ne farce ne moralité :

Mais seulement Tantiquité , Qui d'une face plus hardie Se représente en comédie:

Car onc je ne pourroy penser Qu'aucun se voulust courroucer Encontre nous, si pour mieux faire Nous voulons aux doctes complaire.

Or sçachez qu'en tout ce discours Nous représentons les amours Et la finesse coustumiere D'une gentille tresoriere, Dont le mestier est descouvert Non loing de la place Maubert.

Vray est que le protenotaire, Principal de tout' ceste affaire , Est de nostre université.

Mais j'^y un peu trop arresté ; Il vault mieux avec le silence Vous en donner la jouissance.

ENTREPARLEURS.

LOYSy gentilhomme.

RICHARD, serviteur.

LE TRESORIER

MARIE, fil Je de chambre de la Tresoriere.

LE PROTENOTAIRE.

BONIFACE, serviteur.

CONSTANTE, tresoriere.

SULPICE, marchand.

THOMAS, serviteur.

JACQUES GREVm. 21 1

LA TRÉSORIÈRE