SCENE III

MARIE, seule.

Loué soit Dieu, tout se contente; Et qui plus est , le Trésorier Ne sera point mis prisonnier; J'en remercy' bien nos amis.

Encore plus, il a promis Pardonner, dont je me contente, .

A mademoiselle Constante , Et à moy aussi, promettant D'en faire encor' demain autant, Cela s'entend ; mais, par ma foy, Je regarderay mieux à moy , Et à mon cas dorénavant, Que je n'ay faict par cy devant.

Ne vaudra-il pas mieux choisir, A fin de prendre mon plaisir, Quelque jeune homme , que tousjours Languir aux misères d'amours ?

Si faict, pendant que la jeunesse Esmeut dans mon cueur l'allégresse Du doux amour , qui or m'enlasse , Et duquel desja Boniface M'a faict sentir l'ébatement:

Mais ce sera secrettement ; Car voyla , l'on n'est jamais sage Qu'après les plaits : c'est , c'est l'usage Du temps qui court; et pour vray dire, Ma maistresse veut tousjours rire

a 76 JACQUES GRE VIN.

Au premier venu , c'est tout un , Autant aux nobles qu'au commun :

Et en cela gist tout l'affaire , De par Dieu. Le Protenotaire Dont elle tiroit tant d'escuz , Maintenant n'y reviendra plus ; Et voyla autant de praticque Etrangee de sa bouticque.

Mais il fault aller apprester Le banquet. De vous inviter, Messeigneurs , j'auroy bonne envie :

Mais, anenda, la compagnie Qui est céans mangeroit bien Le Trésorier et tout son bieué