AUX FRANÇOYS
EN aEGOMMEHDATION DU LITRE DE DOLET , DE LA MAITIERE DE TRADUIRE , PUNCTUER ET ACCElfTUER EW IfOSTRE LAKGVE y AYECQUES EXHORTATION A TOUS LETTRES FRAVÇOTS S*AYMER ET SOUBSTEiriR l'uN l'aULTRE.
Ces jours passés, Dolet, qui, par grand cure, L'immortel bruict de sa langue procure , Pour au françoys, Françoys habituer.
Comme pour lire et pour bien punctuer,
Et purement aultre langue traduire ; Petit livret t'a voulu introduire , Plein de proffît. O noble esprit françoys!
AfHn que tien , non plus à aultruy , sois.
En lisant donc iceluy tant bon livre, Estre te fault d'afFection delibvre , Premièrement qu'en puisses rien juger , Puis, si tu veulx de visiteur user, Changer, oster, racoustrer et reffaire, Pense, davant que jugement y faire, Si tu seras suffisant repreneur, Que ne sois dict un fol entrepreneur.
Pense qui est l'ouvrier de cest ouvraige , Et que par art, doctrine et long usaige, Mieulx qu'aultre peut juger en vérité.
Et d'escripvant gaigner auctorité; Pense oultre plus du livre la substance , Et le proffît que son auteur t'advance, En y penseant, en gré tu le prendras.
Et le prenant, plus docte deviendras ; Car il te sert de perfaict exemplaire, Non seulement en ta langue vulgaire, Pour bien parler bu escrire, combien Que cela seul te soit nompareil bien , Mais avec ce y trouveras doctrine Pour plus à plain entendre la latine.
Que te sert il langue estrange tourner, Si la tournant tu ne la sçays orner? Puis que te vault une telle ornature , Si ne la sçays exprimer d'escripture ?
CHARLES DE SAINTE-MARTHE. /pi
Pourras tu bien escripre dignement Sans que tu ays sçavoir premièrement?
Sans que tu ays de l'art la cognoissance , Et tant dehors que dedans jouyssance ?
Car c'est bien peu en l'esprit l'imprimer, Si tu ne sçays par escript l'exprimer.
Queleun pourra paintre de nom se faindre ; Mais s'il ne peult aulcune imaige paindre, Ou la paignant , s'il n'accommode point , Ainsi qu'il fault, les couleurs à leur poinct, Le debvons nous painctre penser ou dire ?
Rien n'est aussi , en quelque langue escrire, Sans y avoir des mots variété, Et en user en leur propriété ; Il fault avoir avecques cest usaige Bon jugement et doulceur de langaige , Y adjouxtant, pour la perfection.
Ordre d'accents et punctuation.
Cecy n'est rien, ainsi comme nous semble; Mais le tout veu et amassé ensemble , Est à la fin trouvé de si hault faict.
Que l'on n'y veoit aulcun estre parfaict.
Et bien souvent ceulx que plus on estime D'avoir l'escript et la langue sublime , Et emporter par dessus tous le pris , En ce cas là les premiers sont surpris.
Parquoy,rrançoys, si dans ton cueur tu aymes Ta nation, ton honneur et toy mesmes, Demonstre toy du bien recognoissant.
Qui est moyen que ton bruit va croissant ,
4a 2 CHARLES DE SAINTE-MARTHE.
Et n'use aussi d'aulcune ingratitude Envers celuy , lequel met spn estude , Son bien, son corps, son labeur et esprit A te remettre au dessus par escript.
Il t'a remis éloquence en lumière , Il t'a monstre très-facille manière , Comment pourras getter ton fondement Sur le latin, puis bas tir bellement, Donnant à ce la matière propice Pour eslever en l'air ton édifice.
Et , non content , affin que ne fussions Gent ridicule aux aultres nations, Qui bien souvent nous ont fait ce reproche , Que délaissons ce qui nous est plus proche.
Et que de nous voulons nous estranger , Nous arrestant à langaige estranger.
Non content, dy je, il a prins ceste peine De nous monstrer nostre langue estre pleine De graves mots, termes et dictions Propres en tout à ses affections , Et qu'elle n'est, plus qu'une aultre, affamée. Mais très-antique et noblement famée.
En son endroit ayant son règne et cours Sans qu'elle prenne aux estranges recours.
Ce labeur est à nostre langue lustre , Pour Tadvancer et rendre très-illustre , Pour l'advancer et poulser en avant.
En luy gardant le los qu'avoit davant.
Ne veulx tu donq, 6 Françoys! y entendre ?
Ne veulx tu donc virilement contendre
Contre quelcuns barbares estrangiers, Qui les Françoys disent estre legiers ? Et avoir oultre, avec la legierté.
Un babil plain de trop grande fierté.
D'où prennent ilz d^ainsi parler audace ?
C'est seulement de la maulvaise grâce Que nous avons des nostres depriser, Et, saris propos, les aultres tant priser.
Qu'a l'Italie ou toute l'Allemaigne, La Grèce, Escosse, Angleterre ou Hespaigne, Plus que la France? est ce point de tous biens? Est ce qu'ilz ont aux arts plus de moyens , Ou leurs esprits plus aiguz que les nostres, Ou bien qu'ilz sont plus sçavants que nous aultres ? Tant s'en fauldra que leur vueillons cedder, Que nous dirons plus tost les excedder.
Un seul cas ont, et cela nous fait honte, C'est que des leurs ilz tiennent un grand compte. Et par amour sont ensemble conjoincts; Mais nous Françoys , au contraire , disjoiçts , Car nous avons à escrire invectives Pour nous picquer, nos plumes tant hastives , Soubdain prenons l'un à l'aultre amytié , Soubckin aussi faisons inimitié ; Soubdain disons de nostre amy louenge, Et puis soubdain ce propos là nous change.
Et, qui pis est, quand aulcun entre nous, En quelque chose est excellent sur tous, ! Où nous debvrions en consent unanime
Le favorir et tenir en estime.;
Si vers le prince aulcun crédit avons, Le reculons le plus que nous pouvons , Ou nous taschons, par trop sotte escrîpture.
Faire son oom et sa louenge obscure, Ce que nous sert de bien peu, car souvent Tous nos efforts ne deviennent que vent.
Qu'estimes vous qu'en jugent les externes?
Je m'en rapporte aux œuvres des modernes; Mais ilz n'ont peu trouver aultre argument, Sinon legiers nous dire seulement.
Velà, Françoys, Françoys, velà l'injure Que l'on nous fait. Fault il que la nature D'une tant belle et noble nation Soit corrumpue en altercation , Et qu'elle soit en icèllé manière, A vostre grand opprobre, la dernière ?
Esveillez vous, regardez vostre honneur.
Gentils Françoys, prenez vostre franc cueur.
Ne permettez que la très- noble France, Par vostre tort, soit blasmée à oultrance; Mais faictes tant, que si aulcun mesdit D'elle, de bouche ou d'escript, qu'il soit dit Que ce n'est pas pour sa maulvaise vie.
Mais seulement prdcedder d'une envie.
ÉLÉGIE
