PROLOGUE
Le sens me fault, l'esprit vital se trouble, Craincte m'assault , honte au cueur se redouble , La main me tremble et n'ose avant aller; La langue bransle, et puis laisse à parler, Danger m'estrainct de liberté la corde , Et dedans moy je sens tant de discorde.
Que je demeure ainsi comme esbahy (Roy bien aymé, mieulx crainct, très obey).
Pour résister je combatz en moy-mesme , Tant que l'esprit endure peine extresme Par accidentz de l'ennuyeux repos, Et est confirainct mon cueur changer propos,
FRANÇOIS SAGON. 1 1 9
Ou sufFoçquer Tinvention première,
Que son désir cuydoit mettre en lumière,
Quand le cueur tend à mettre par escript ,
L'affection descouraige l'esprit;
Et tout ainsi que peult humeur contraire
Corruption, et puis la fièvre attraire
(Qui fait tourner l'équalité du corps),
Ainsi l'esprit assailly de discordz,
Cherchant ung point, dont son cueur le retire,
En une fièvre entre, qui le martyre,
En chassant hors de céleste maison
Le franc arbitre avecques sa raison.
Dont vient cela ? de trop d'audace prise.
Qui faict la craincte ? une haulte entreprise.
Qu'ay-je entrepris ? Trop moins que mon devoir,
Plus que puissance, et oultre mon sçavoir.
Quoy ? une épistre à Marot responsive ,
Blasmant la sienne en injure excessive.
Je suyvray donc : il n'en peult mal venir,
Mais au contraire il peult bien advenir
Qu'ayant si hault poursuyvy mon audace ,
Du très-hault roy conquesteray la grâce ;
Si je ne Tay, au moins j'y tenteray.
Et si je l'ay, je m'en contenteray.
Si non l'esprit soubz droict de ^ conscience
Praticquera le droict de patience.
Je ne suys pas tout seul fol et liardy
De qui la plume ayt le cueur enhardy
Vouloir poursuyvre impossible entreprise.
(Roy vertueulx qu'on ayme, crainct et prise).
120 FRANÇOIS sXgON.
Porte moy donc, si je fais cas pareil A Phaëton charretier du soleil Qu'on excusa, ou toute poésie N'est que fainctise, et fable, et fantasie, Où l'on nedeust si tost la foy donner, Si vault-il mieulx suyvre qu'abandonner De Phaëton la fable vertueuse , Dont la vertu est très-voluptueuse, Puis que louenge et gloire à l'honmie rend Quant sur povoir quelque chose entreprent.
Or sçay-je bien ma force estre inhabile.
Le povoir foyble , et l'esprit tant débile , , Qu'en le cuydant faire si hault monter.
Ou prétendant ma honte surmonter, Renverseroit plustost mon espérance Dedans l'abisme et fosse d'ignorance.
En luy laschant la bride sans sçavoir Qu'il ne feroit d'excuse à mon debvoir, Debvoir d'escripre, ou respondre à celluy Qui mesdira de tous , et puys de luy :
Debvoir, de dire ainsi que par defFense Contre Marot son erreur et offense :
Debvoir, de France en honneur maintenir Et son hault bruyt contre luy soustenir :
Debvoir monstrant que j'ai volonté bonne De supporter Justice et la Sorbonne :
Debvoir, de veoir si Marot a raison D'en avoir faict ung si meschant blason :
Et toutesfoys me sentant incapaBle D'assez blasmer ce Marot tant coulpable ,
FRANÇOIS SAGON. 121
Et encor moins de moytié suffisant
De m'adresser à roy tant bien disant.
Je te supply, roi discret en faconde,
Roy, double roy, et roy seul de ce monde, .
Qu'en acceptant ce pauvre et petit don.
Faces de grâce à la muse pardon ,
En supportant l'esprit du personnage, .
Lequel t'adjure et prie par son aage ,
Par le remors de trop peu de sçavoir,
Pai' l'humble acquict moindre que son devoir
Et par le bruy t de ton honneur prospère ,
Dont sortira l'excuse que j'espère,
jQue vueilles d'œil bien agréable veoir ^
Ce qui auroit grant besoin de revoir,
Premier que d'estre offert à la personne
A qui l'esprit trop hardy l'abandonne,
Entreprenant mettre au jour vérité,
Ayant fiance à ton auctorité ,
Que ta doulceur rend trop plus honorable,
Joinct qu'en ce Heu ma cause est favorable ,
Veu qu'elle tend révéler et ouvrir
Ce que prétend pallier et couvrir
Clément Marot, soubz une epistre faincte.
Qu'il n'a escripte,'à mon advis, qu'en craincte,
Ou pour monstrer qu'il ne vit qu'en langueur.
Ou que sa langue est opposite au cueur.
Tu le diras après' l'epistre veue,
Comme je l'ay de responsè pourveue;
Ce que j'ay faict aflSn de mieulx juger
Lequel des deux faict plus à corriger :
122 FRANÇOIS SAGON.
Ou ce Marot qui blasme théologie ,
Et dit , soubz toy justice mal régie :
Ou ce Françoys qui veult monter si haùlt
Que pour cuyder corriger le deffault
De ce Marot, cheoit en danger et faulte,
Qui vient souvent d'entreprinse trop haulte ,
A cpulx qui n'ont la prudence ou sçavoir
De faire bien Tacquist de leur devoir.
Desquelz je suis et augmente le nombre
Quant de vertu ne puis avoir que l'umbre,
Et qu'entre biens suis comme ung Tantalus
Au labirinthe enclos de Dedalus.
Tant qu'à présent le meilleur que je veoye ,
C'est de chercher quelque ouverture ou voye
Pour en sortir, afHn de commencer
A retourner de Marot le penser,
Oïl je crainctz^bien d'avoir juste reprise.
Et dy en moy que soubz telle entreprise
Je tumberay : non feray. Que sçait-on ?
Ou si je tumbe ainsi que Phaëton,
Au moins j'auray aulcune grâce acquise
D'estre tumbé soubz tant haulte entreprise.
Or t'en va donc ma response , au hazart
De rencontrer la poincte du lizart :
Mais si tu sens que trop au vif te picque,
Revien à moy chercher picque en replicque.
FRANÇOIS SAGON. 123
RONDEAU
De moins que rien, craincte corromt l'attente,
Que par l'effet du désir qui me tente
Je viengne aux poinctz dont me suis entremis ,
Ou que l'esprit te peult avoir promis
Quant tu verras ce que ma plume attempte.
Si la carrière eust esté d'autre estente , Elle eust rendu ma muse plus contente De lascher bride aux cinq sens tous remis , De moins que rien.
Ce moins que rien est de facille entente , Je le commectz soubz ta prudente tente , Où je n'ay rien par cy devant commis Dont plus seray à ta bonté submis , Si mon esprit à présent te contente De moins que rien.
DIXAIN.
Lecteurs, avant que faire jugement Prenez loisir de veoir l'epistre entière De ce Marot, dont le courage ment A l'escripture et subjecte matière :
Voyez après la response dernière De ce Françoys, qui vous semblera nud
124 FRANÇOIS SAGON.
Jusques à tant que l'ayez bien çogneu.
Et si les deux ne semblent gueres bonnes , A tout le moins, par débat advenu, Vous congnoistrez aux œuvres les personnes,
DIXAIN
ADDRESSÀNT AUDIGT MAROT , QUI SE FAISOIT NOMMER MARO PAR SUBSTRAGTION DU T, LETTRE FINALE DE SON NOM.
Marc sans T est excellent poëte , Mais avec T il est tout corrumpu.
Il prent de T marotte pour houllette , Et peult sans T ce que plusieurs n'ont peu.
Avec T c'est ung beau nom rompu; Tourné sans T, c'est le latin de Rorame; Droict avec T, le françois d'ung sot homme.
Maro sans T, triumphe en latin grave, Et avec T, demonstre en françois "comme Ung glorieux sans raison faict le brave.
Charles de La. Hueterie , secrétaire du duc de Vendôme, étoit d'Amboise, selon Duverdier, et d'Anjou, suivant Lacroix-Dumainel Ce poète a dû toute sa réputation à la fameuse dispute dont nous avons parlé à larticle de Sagon, Pendant la retraite de Marot à Ferrare, La Hueterie setoit, dit-on, proposé de le supplanter dans sa charge de valet de chambre de François i**^ ; mais ses tentatives ayant été infructueuses , le dépit le porta à se joindre à Sagon , et il se signala bientôt après, sous le nom du Poëte champestrCy par des satires grossières qui avoient pour but de noircir , aux yeux des amis qui lui restoient encore , un homme de génie proscrit et malheureux. C*est dans ce dessein que furent composées la Réponse a Marot ^ dit Fripelippes ; la Grande Généalogie de Fripelippes , etc, , avec une epistre , addressani le tout a Sagon* et plusieurs autres écrits de cette nature.
Voici comment Marot, ou du moins Fauteur du Rescript a Sagon et au jeune Poète champestre , s amusa à crayonner La Hueterie :
Qu'on maine aux champs ce coquardeau , Lequel gaste, quaud il compose, Raison , mesure , et texte , et glose , Soit en balade ou en rondeau.
Il n'a cervelle , ne cerveau ;
C'est pourquoi si hault crier ose
Qu'on maine aux champs ce coquardeau.
S'il yeult rien faire de nouveau , Qu'il œuyre hardiment en prose ( J'entends s'il y sçait quelque chose ) , Car en rime ce n'est qu'un yeau ; Qu'on maine aux champs ce coquardeau.
Charles de La Hueterie nous a laissé quelques autres ouvrages, tels que le Contre Blason de la beauté des membres du corps féminin (Paris, Charles Langelier, i53o); le Concile des Dieux sur le mariage du Roi d^Ecosse (VaLTiSy in-8', i536); le Dangereux passage du Vice et consolatif voyage de Vertu (Lyon, i536, in-8* ; Pierre de Sainte Lucie). L'époque de la mort de La Hueterie est inconnue.
