CHANT ROYAL
Au pied du mont de contemplation ,
Huùianité fut long-temps en souffrance ,
Et là faisoit sa déprécation
Au sainct prieur que d'elle eust remembrance ,
Disant ainsi : O prieur amyable !
Si quelque temps vers toi fuz variable ,
Ne permetz pas qu'il me couste tant cher
Qu'en mon esprit n'obtienne et en ma chair
Grâce et pardon de ma coulpe excessive ;
Transmetz vers moi pour ma soif estancher
La pure source et fontaine d'eau vive.
Le bon prieur meu en compassion , Pour luy donner de sa grâce asseurance , Luy dict : Ma sœur , ta supplication Vers moy obtient ta seure délivrance.
PIERRE FABRI. l35
Prends bien confort, car ton corps misérable Sera reduict en santé pardurable ; Plus ne te veuil ton malfaict reprocher; Mais si tu veulx de moy tost approcher, Lave ton corps de l'eau confortative Quant affluer verras de mon rocher La pure source et fontaine d'eau vive.
Les Hebrieux lors eurent réfection Contre la soif qui leur faisoit grevance , Par la fontaine yssant sans fraction Hors de la pierre Ereb en abondance , Quant le prieur très-saint et vénérable Vint sur icelle en puissance admirable Gardant Sathan par dedans l'eau marcher , Car par avant avoit voulu mercher Qui vouldra boire au céleste convive ; Il luy convient pour reconfort chefcher La pure source et fontaine d'eau vive.
Dedans la source , en grant dilection , Se vint former et y prendre substance Ung saint poisson exempt d'infection , Préfiguré en bonne convenance , Pareil auquel Thobie , homme équitable , Prist médecine en tous maulx profitable , Quant à son filz il se laissa pescher.
En le voulant du danger depescher, De l'ennemy qui de joye humain prive , Lequel n'a sceu de venin tmpescher La pure source et fontaine d'eau vive.
Par les ruysseaulx plains de perfection De la fontaine où Dieu prist sa plaisance , Humains dolens comblés d'affliction Cessent leurs pleurz et chassent deplaisance. La mer de vice et coulpe irréparable Reçoit doulceur par grâce incomparable , Et le grand fleuve où deuil souloit coucher, Joye y prent lieu ; courroux n'y peult toucher , Car le serpent qui contre droit estrive, N'a peu troubler par faire Adam pescher La pure source et fontaine d'eau vive.
ENVOI
Prince et prieur , faictes partout prescher Que l'ennemy n'a peu faire seicher Cette fontaine où l'eau de grâce arrive ; Mais en enfer luy convient trébuscher Sans nullement d'aucun vice entecher La pure source et fontaine d'eau vive.
BALLADE
D'uNG vert esglentier espineux , Dieu produit une blanche rose Qui fut d'espines et de nœuds Séparée , exempte et fortclose.
Jamais el' n'en fut agitée , Car elle étoît de grâce enclose La rose en Hiérico plantée.
PIERRE FABRI. iSy
Le Saint Esprit tout lumineux Sur cette fleur blanche repose, La préservant d'aer vénéneux Qui les fleurs à pourrir dispose.
Le fourmil d'enfer aussi n'ose Et ne peult jecter sa dentée Sur celle que la foi expose La rose en Hiérico plantée.
Le vent infaict et pluvieux Son aménité ne dépose , Et le hanneton envieux A sa beauté plus ne s'oppose.
Aux toutes fleurs Dieu la prépose Seule de macule exemptée , Et ce beau titre. lui impose, La rose en Hiérico plantée.
«NVOI.
Hiérico l'Eglise suppose , Où la Vierge est tant exaltée , Que chascun la nommer propose La rose en Hiérico plantée.
