DE LA MÊME

Cy gist en peu de terre ung qui la remplissoit Par louange et bon bruict dont tout autre il passoit ; Ainsi elle se paist du meilleur qu'en elle eut , Comprenant tout son bien dedans ce petit fust.

O bienheureusjB terre estant en toy semé

Un fruict après lequel nul autre est estimé !

Doncques en toy est mis pour ta félicité

Ce qui à chacun rend dueil et adversité.

Parquoy vous qui cherchez chose pàrfaicte à veoir ,

Arrestez-cy vos pas sans plus de peine avoir.

a8 FRANÇOIS PREMIER.

DIXAIN.

Le mal d'amour est plus grant que ne pense Celuy qui l'a seullement ouy dire.

Ce qui nous semble ailleurs légère offense , En amytié se répute martyre.

Chacun se plainct et jure le sien pire ; Mais s'il survient une seuUe heure d'aise , La doulleur cesse et le tourment s'appaise Du prétérit, oii Dieu n'a plus puissance Qu'une, qui est d'en oster souvenance; Et s'il le faict , fault que l'amour lui plaise.