ÉPITRE A CLÉMENT MAROT
Va, lettre, va, va-t^en à Vadventure Droit à Clément^ et s*U en fait lecture , Recorde toy de luy faire semonse Joyeusement^ de te donner response.
Mais voirement, amy Clément, Tout clayrement, dy moy comment Tant, et pourquoy tu te tiens quoy, D'escrire à moy , qui suis à toy ?
I7ii LYON JAMET.
T'ay-je laissé par le passé ?
T'ay-je offensé ou courroussé ?
Ay-je à tor dit, et intendit?
En fait ou dit , rien contredit ?
Ay-je à ton nom donné renom
Aultre que bon ? tu sçais que non ;
Ny ne vouidrois , ny ne sçaurois ,
Tant sont tes droits justes et droits.
Devant les yeux de tous les dieux ,
Et demy dieux , jeunes et vieux ,
J'atteste et jure, et en rejure.
Qu'aucune injure , ou mal , augure ,
Nul laps de temps , ne lieux distans ,
Escrits latens , ne vieux satans ,
N'ont pu avoir force et pouvoir ,
De concevoir, c'est à sçavoir.
Un seul congé , qu'aye songé ,
En son plongé, d'avoir changé,
Ne rien osté , de mon costé
En loyaulté et féauté
De nostre amour, pas un seul tour
Depuis le jour de ton retour.
Mais tant s'en fault, qu'un tel défault.
En froid , ou chauld , ait faict le sault
En mon pourpris, que n'ay repris,
Qui ne t'ha pris pour un grand pris.
Or donq , amy , de ton amy ,
Qui ennemy n'as un demy ,
Que veulx-tu dire ? est-ce pour rire ,
Que de proscrire , et interdire
Une amour vieille ? O grant' merveille !
Quand je sommeille , elle m'esveille , Et dy ainsy : Dieu qu'est cecy ?
Cest homme icy, est-il transy, Ses bons esprits, ^es beaulx escrits, De si hàult pris , sont-ilz prescrits ?
Son cueur humain , tant pur , et plein De bon levain , changé de main Auroit-il bien , pour quelque bien Qu'il se void sien ? je n'en croy rien.
Car les effets, de ses beaulx faits N'ont esté faits, si contrefaits.
Et quant et quant , il m'ayme tant^ Que luy estant bien mal content , Il ne sçauroit , quand il voudroit , Or qu'il eut droit , en mon endroit , S'en ressentir, ne consentir.
Sans en mentir, à moy martyr.
Car sçait-il pas que tous nos pas , En tous nos caz , sont par compas Comptés, nombres et dénombrés, Puis obumbrés et adombrés ?
Si fait , si fait , bien il le sçait :
Le tout parfait , bien luy ha fait Voir et comprendre et tant apprendre Qu'il en peult vendre, et en espandre.
Et davantage , il est de l'aage Et du pellage oîi l'homme est sage , Ou jamais non. Et puis son nom D'estre tout bon ha le renom.
Or doncq Clément , tout clerement Bien seurement , et promptement , Escry pourquoy tu te tiens coy, De tenir loy au second toy, Qui est icy, sans grand soucy, Là Dieu mercy, et toy aussy.
C'est à Ferrare , au huictieme an De la sienne proscription , Mais à la tienne intention Que ce soit le dernier. Amen.
ÉPIGRAMME
DU FRÈRB LITBIN.
Frère Lubin revenant de la queste, Avoit tout beu et mangé par la voye , Quand fut venu , comme une pauvre beste, Tout le couvent paistre aux champs le renvoyé. Frères , j'ay prins une tant belle proye, Dict-il , monstrant une fille couverte D'ung habit gris; lors tous remplys de joie, Très vouluntierz luy ont la porte ouverte.
