CASSIUS

Citoyens, voyez cy ceste dague sanglante ,

200 JACQUES GREVm.

C'est elle, citoyens, c'est elle qui se vante Avoir faict son devoir , puisqu'elle a massacré Celuy qui mesprisoit Taruspice sacré , Se vantant qu'il pou voit, malgré tous les plus sages, Changer à son vouloir les asseurez présages. Nous avons accompli, massacrant ce félon, Ce que le grand Hercule accomplit au lyon , Au sanglier d'Erymante , et en l'hydre obstinée , Monstre sept fois testu, et vangeance ordonnée Par Junon sa marastre. Allez donc, citoyens. Reprendre maintenant tous nos droicts anciens.

' DECIME BRUTE.

Puissent pour tout jamais ainsi perdre la vie Ceux qui trop convoiteux couveront une envie Pareille à celle là : puissent pour tout jamais Perdre d'un pareil coup leur gloire et leurs beaux faicts. « Ainsi, ainsi mourront, non de mort naturelle, a Ceux qui voudront bastir leur puissance nouvelle ce Dessus la liberté ; car ainsi les tyrans ce Finent le plus souvent le dessein de leurs ans. »

Allons au Capitole, allons en diligence, Et premiers en prenons l'entière jouissance.